Komanda Evropiane e Shteteve të Bashkuara, ka njoftuar se një avion ushtarak është rrëzuar në Detin Mesdhe, të premtën e 10 nëntorit, gjatë një stërvitje, duke shkaktuar vdekjen e 5 pjesëtarëve të ushtrisë amerikane.
Rrëzimi i avionit në Detin Mesdhe ndodhi gjatë një misioni rutinë për kalimin e karburantit mes avionëve në kushte fluturimi, si pjesë e trajnimit ushtarak.
Përmes një deklarate Sekretari amerikan i Mbrojtjes Lloyd Austin, shprehu ngushëllimet “për humbjen tragjike të pesë ushtarakëve amerikanë gjatë një aksidenti stërvitor në Detin Mesdhe të shtunën herët në mëngjes".
![](https://shqiptarja.com/template/img/NO_ALFA_Kuadrate shqiptarja.png)
Forcat Ajrore amerikane kanë dërguar skuadrilje shtesë në rajon dhe aeroplanmbajtësja “USS Gerald R. Ford”, e cila ka një sërë avionësh në bord, ka operuar gjithashtu në Mesdheun lindor.
Prezenca dhe shtimi i trupës ushtarake amerikane në Detin Mesdhe është bërë për shkak të luftës mes Izraelit dhe Hamasit, në Gaza, me qëllim ndalimin e përshkallëzimit të konfliktit në rajon.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)