Avokati i Mexhit Picarit: Fëmijës së vogël të Dhuratës i thoshin se i ka vdekur nëna, ky ishte shkaku i ngjarjes

Avokati i Mexhit Picarit, i cili u la sot në burg i akuzuar për vrasjen e dhëndrit të tij, Kudret Saliajt, ka thënë se shkak i ngjarjes ka qenë fakti se fëmijës së vogël të çiftit, që jetonte me viktimën, i kishin thënë se e ëma i ka vdekur dhe nuk kishte ku ta takonte.

Lorenc Liço tha në gjykatë se autori Mexhit Picari i kishte blerë vilë dhëndrit të tij, në mënyrë që ai dhe e bija, Dhurata Saliaj, të jetonin mirë. Ai akuzon viktimën se ka ushtruar dhunë ndaj bashkëshortes, gjithashtu e dyshuar bashkëpunëtore në vrasje.

"Kudretit Vjehrri i bëri vilë 3-katëshe, i fali 2 dynym tokë në autostradë. i bleu fuoristradë të re pasi ai donte që vajza e dhëndri të jetonin mirë. 8 muaj më parë Kudreti i ka kthyer vajzën Mexhitit të dhunuar, Kudreti e kishte rrahur në një pyll dhe i ka kërcënuar familjarisht. Kudreti i ka kërcënuar më herët me armë për t'i vrarë familjarisht. Psikologia e caktuar nga gjykata duhej të ishte e njëanshme, por ajo ishte në tavolinë me palën kundërshtare. Mexhiti se ka njohur fare avokatin Adriatik Camaj (i cili mbeti i plagosur) e s'ka patur qëllim të keq ndaj tij. Ndërsa fëmijës së vogël të Dhuratës i thoshin nëna ka vdekur e s'ke ku e takon. Ky ishte shkaku i ngjarjes së rëndë", ka thënë ai.

Lajmi kryesor:

Vrasja e Kudret Saliajt, burg për ish-vjehrrin dhe ish-gruan! Autori: I kërkoj falje nipërve dhe mbesave! Dhurata Saliaj: S’e dija që babi do e vriste se s’do e lejoja (VIDEO)

/b.ha./Shqiptarja.com

TAG:
• Tirane
• Gjykata e Tiranes
• vrasja e kudret Saliajt
• dhurata saliaj
• mexhit picari