Avokati: Mbroj Dritan Dajtin për
200 mijë euro, Gjykata e refuzon

TIRANE- Në seancën e 220 gjyqësore, kur mendohej se u gjet një avokat për të mbrojtur Dritan Dajtin vjen dhe oferta e çuditshme.

Para trupit gjykues në seancën e sotme gjyqësore, në Gjykatën e Krimeve të Rënda, Ndue Pjetri, i caktuar nga shteti si avokat për të mbrojtur Dajtin deklaroi se ishte gati të mbronte të pandehurin e akuzuar për vrasjen e 4 policëve, në seancat e ardhshme gjyqësore por me kusht që të paguhet 200 mijë euro për punën  tij. Nëse gjykata bie dakord atëherë kërkon dhe 30 ditë kohë për të përgatitur mbrojtjen.

”Kërkoj 30 ditë kohë dhe 200 mijë euro për të mbrojtur Dritan Dajtin”- i tha avokati Pjetri trupit gjykues.

Gjykata vendosi të nxjerë kamerat jashtë, ndërsa Dajti kërkoi prej trupit gjykues ta pranin këtë ofertë si më të lirën pasi avokatët e kontaktuar deri më tani prej tij kushtonjnë më shtrenjtë.

 “I kërkoj gjykatës të pranojë kërkesën e avokatit, më pëlqen performanca e tij. Oferta 200 mijë euro është më e ulëta nga të gjitha, duhet të pranohet”- tha ai.

Për Prokurorin e çështjes Ardian Nezha është një tjetër tentativë për të shtyrë procesin .  “Avokati është palë me të pandehurin dhe kërkojnë të zvarrisin gjyqin”- tha ai.

Në përfundim trupi gjykues i drejtuar nga Idriz Milkurti vendosi të mos pranojë kërkesat e avokatit Ndue Pjetra dhe të shtyjë seancën për nesër duke caktuar kryesisht avokaten Violeta Veshi dhe avokat Zini Qinamin.

Dajti akuzohet se me 7 gushtit 2009 ekzekutoi efektivët e policisë, Saimir Duckollari, Altin Dizdari, Fatos Xhani dhe Kastriot Feskaj, pjesë e skuadrës speciale operacionale të cilët tentuan ta arrestonin të shumë-kërkuarin.

Redaksia online
(sg/shqiptarja.com)

TAG:
• dritan dajti