Avokati i Gjykatës Speciale për Report Tv: Kosova të përfshihet në mbrojtjen ndaj 4 ish- drejtuesve të UÇK, mund të implikohet edhe shtetësia

TIRANË- Taulant Hodaj, avokat i akredituar pranë Gjykatës Speciale tha edhe shteti i Kosovës duhet të përfshihet në mbrojtjen e 4 ish- drejtuesve të UÇK-së, të akuzuar për krime lufte.

Në një prononcim për Report T gjatë hapësirës 'live' të pasdites, Hodaj tha se "mbrojtja nuk duhet t'i lihet fatit, pasi mund të implikohet edhe shtetësia e Kosovës".

"Të gjitha forcat duhet të jenë në aspektin e mbrojtjes dhe të bindim Gjykatën që nuk janë të vërteta. Edhe pse akuzat janë individuale, preket edhe hierarkia e UÇK-së dhe komplet lufta e Kosovës. Përveç mbrojtjes që duhet të kenë dinjitoze të akuzuarit, mendoj qeveria e Kosovës të jenë të kujdesshme dhe të punojnë shumë që të ndihmojë të akuzuarve bazë ligjore si në aspektin financiar dhe procedural, se rregullat ia lejojnë nëse prek interesi nacional i Kosovës. Kjo duhet të shfrytëzohet shumë sepse është një çështje historike dhe nuk duhet t'ia lëmë fatit pasi mund të ketë implikime shumë të mëdha deri te shtetësia e Kosovës", tha Hodaj në lidhje për Report Tv.

LEXO EDHE:
Serbia ndalon një kosovar nën dyshime për krime lufte

Sot u zhvillua seanca e radhës ndaj ish- presidentit Hashim Thaçi, Jakup Krasniqi, Rexhep Selimi dhe Kadri Veselit. Zyra e Prokurorit të Specializua tha se kanë në dispozicion 1500 priva dhe rreth 153 dëshmitarë që vërtetojnë 10 akuzat për ish- drejtuesit e UÇK-së si edhe që të nisë gjykimi në verën e vitit 2021, por një gjë e tillë është kundërshtuar nga mbrojtja. Ata kanë kwrkuar që gjykimi të mos nisë para qershorit të 2021, pasi kanë mbi 200 dëshmitarë. 

B.K./r.k./Shqiptarja.com

TAG:
• hashim thaci
• rexhep selimi
• Jakup Krasniqi
• uck
• krime lufte
• gjykata speciale ne hage
• Taulant Hodaj