'Azgan, Azgan, po të luajti njeri atje…', pse duhen arrestuar edhe prindërit e vrasësit të policit

'Azgan, Azgan, po të luajti njeri atje…', pse duhen arrestuar edhe prindërit e vrasësit të policit

Azgan Mernica

“Azgan, po të luajti njeri atje… Azgan, Azgan! Zoti para..”Fytyra e qeshur e 23 vjeçarit shqiptar vrasës dhe sjellja e frikshme e familjarëve të tij, më sollën në mend rastin e një ngjarje kriminale të një 15 vjeçari amerikan, Ethan Crumbley.

Marrja e jetës së katër nxënësve në shkollën e mesme të Oxford-it në 2021, për gjyqtaren Cheryl Matthews nuk kishte fajtor vetëm Ethan-in por edhe prindërit e tij, të cilët u dënuan për vrasje të pavullnetshme me 10 vite burg. Edhe pse pa shkrepur armën, babai dhe nëna e vrasësit amerikan, James dhe Jennifer u gjykuan si shkaktar të krimit, për atë që u vlerësua si një “katastrofë e pritshme”. Teksa dhe prindërit e viktimave në Michigan i akuzuan për prindërim të dështuar.

Në mendimin tim, ky precedent i krijuar do doja të mos mbetej në anën tjetër të botës; prindi duhet të mbajë përgjegjësi qoftë për neglizhencën e kushtuar, për dhënien e modelit të lirisë së tepruar aq sa për të cënuar liritë e tjetrit, për përkëdheljen e sedrës me armët që i duken lodra, për rritjen e një qënie të shtrëmbëruar që beson se mund t’ia marr jetën kujtdo dhe kurdo.

Do doja që dhimbjen e prindërve të policit të vrarë teksa po kryente detyrën edhe pa pasur uniformë, siç ja kërkon ligji; do doja që lotët e gruas që mbeti e ve pa shijuar ende dashurinë e martesën, drejtësia jonë të mos e shlyente vetëm me plasjen pas qelisë së një krimineli që nuk dënjon as të ndjejë pendesë.

Azgani nuk mund të frymëzojë kriminelë të tjerë se mund t’ja hedhësh paq, e prindër të tjerë që rrisin fëmijë si Azgani duhet të kuptojnë se kanë gabuar dhe ka ardhur koha të reflektojnë! Le të vuajnë dënimin e parë të kësaj natyre prindërit e Azganit, që të vrasim përbindshat e rradhës…

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eri: 17/05/2024 09:38

    Nuk i heq as nje presje do ishte bere nami sikur ta kish vra polici kte 23 vjecarin,ngushellime

    Përgjigju
  • Hysni: 17/05/2024 07:03

    Prinderit jan fajtoret kryesor kur femijet deshtojne ne jeten e tyre dhe marrin rrugen e krimit, Brezi ime vuajti kohen ne kohen e trezicionit,po brezi i ri sot sju mungon asgje. Mungojne veq qendrat e edukimit,heqja e detiruar e sherbimit ushtarak ishte nji gabim i madhe?

    Përgjigju
  • E sakte: 17/05/2024 05:43

    Po tamam keshtu duhet priderit kane faj qe cke me te e sidomos ne kete rast qe del se keta jan te tere vrases qe nga babai.Le te presim e te shohim si do ta beje punen gjykata e te gjithe me radhe

    Përgjigju
  • Iris: 17/05/2024 03:53

    Kush te reflektoje, shqipot?! Kur ai person i thote ketij vrasesi /po te luajti njeri atje.../,me kujtoi rastin e atij hajdutit qe u vra kur po ndiqej nga policia,kur vodhi parate ne Rinas me grupin e tij kriminal.Ju kujtohet kur familjaret e tij s'lane gur pa kthyer per te zbuluar se kush polic e vrau dhe ne fund doli qe u vra nga /frendley fire/ ne mos gaboj.Si mendoni,perse insistonin qe te gjenin policin?! Po rasti i atij komisarit(qe nuk me kujtohet emri) i shpallur deshmor,pse u vra,ju kujtohet? Sepse kishte /keqtrajtuar/nje gango,a vellain e tij ne komisariat.Familjaret e ketyre tipave /reflektojne/ vetem per nje gje,si te hakmerren edhe pse e dine qe njerezit e tyre nuk jane /virgeresha/!

    Përgjigju
    • Antoni: 17/05/2024 08:14

      Iris! Policët për njëçik para e shesin shokun e vet!ka shum raste se e tregojnë tek kriminelët,se kështu janë lidhjet polic kriminel.

  • Kiki: 17/05/2024 01:23

    Bravo te qofte, te lumte goja.

    Përgjigju
  • Arber: 16/05/2024 23:54

    Shtet i ndyre ! Kur nje polic vrau nje te ri qe po i ikte me vrap u shkul shteti e gjithe dynjaja..sot qe vritet perseri nje i ri polic per nje llaf goje nga nje kriminel qe qesh e tall trapin nuk po shkulet as shteti e as mileti ! MERITONI TE JETONI NE ATE HALE QE KENI KRIJUAR ! NUK BEHENI NJEREZ PRANDAJ NUK MUND TE BENI AS SHTET ! Balla e Rama te zhduken nga politika !

    Përgjigju
    • Antoni: 17/05/2024 08:19

      Arbër! Opozita e fryu shum ngjarjen për këtë rast që ti tregon. Është kjo opozitë e ndyrë që edhe atë terroristi Grekqirë Kacifas e boni hero.

  • .fbdbdb: 16/05/2024 23:49

    Dallimi i vetem eshte se ky nuk eshte i mitur.

    Përgjigju
    • Denis: 17/05/2024 09:11

      Po babi i këti polici aka vra njeri?

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?



×

Lajmi i fundit

QKB thirrje bizneseve: Dorëzoni pasqyrat financiare vjetore brenda 31 korriku

QKB thirrje bizneseve: Dorëzoni pasqyrat financiare vjetore brenda 31 korriku