POP 5

Lajmet më të lexuara të 5 minutave të fundit

Ekonomi

"B-52", Lufta tregtare për pijen
energjike mes 2 kompanive

Kompania “Arseni” shpk dhe “Bavaria” prej kohësh gjenden në një konflikt gjyqësor për pronësinë e pijes energjike B-52. Pas botime djeshme ne Shqiptarja.com, Arseni shpk reagon duke pretenduar se ka gjithë dokumentacionin për ekskluzivitetin e produkti.
energjike mes 2 kompanive">
TIRANE- Ka reaguar dje kompania "Arseni" shpk lidhur me artikullin e një dite më parë në Shqiptarja.com me titull "Pija energjike B-52 e falsifikuar, 'luftë' me origjinalin". Sipas përfaqësuesit të saj ligjor, shoqëria është ‘pronare e markës B-52 me logo me ngjyrë të bardhë, të kuqe, të verdhë, të zezë, pije joalkolike, pije energjike, pije sportive, të regjistruar pranë Drejtorisë së Përgjithshme të Patentave dhe Markave më 18.04.2008. Në përputhje me këtë, ajo ka investuar shuma kolosale për ngritjen e stabilimentit modern per ambalazhimin në Shqipëri të produkteve të markës B-52.”

Nga ana tjetër, shoqëria "Arseni" pretendon që ka kërkuar “edhe pranë Gjykatës së Rrethit Gjyqësor Tiranë çregjistrimin e markës B-52 me nr. 970878 me pronar "Bavaria NV" dhe kjo çështje gjyqësore ka përfunduar. Me vendimin nr. 12870 datë 26.12.2012 Gjykata ka pranuar kërkesë-padinë e shoqërisë "Arseni" sh.p.k dhe ka vendosur shfuqizimin e markës B-52 me pronar shoqëria "Bavaria" NV, thekson avokati i firmës. Sipas tij, edhe Doganat kanë marrë përsipër të mbrojnë këtë markë, në përputhje me vendimin e Gjykatës.

KUNDERSHTIMI
Ndërkohë, menaxheri i kompanisë holandeze "Bavaria" Gijs Swinkels ka bërë publik faktin se marka e tyre falsifikohet dhe autoritet shqiptare nuk veprojnë për të ndalur këtë veprim të paligj shëm, i cili dëmton prodhuesin, që ka pronësinë mbi markën. Sipas Gijs, pija e falsifikuar prodhohet në Maqedoni dhe firma "Bavaria" nuk i ka dhënë askujt licencë për ta kopjuar produktin. Ne kemi një vit që nuk prodhojmë B-52 me kanaçe blu, thotë menaxheri i Bavaria ndërsa shpreh habinë se si një firmë shqiptare nxjerr në treg këtë produkt duke falsifikuar dhe kanaçen akuale atë me ngjyrë gri”.
Nga ana e tij, administratori i kompanisë për Shqipërinë, i kontaktuar nga Shqiptarja. com, ka deklaruar se subjekti i tij është në apel për vendimin e gjyqit, ndërkohë që do ta ndjekë çështjen edhe në Arbitrazh ndërkombëtar, apo në Gjykatën e Strasburgut, në rast se është nevoja. Sipas tij, “kompania "Arseni" nuk mund të regjistronte një markë, për një mall që ajo e tregtonte, duke e ditur se prodhohej nga tjetërkush. Në fakt një gjë e tillë ka ndodhur, por ne do të ndjelim rrugët ligjore për të ndaluar këtë shkelje të së drejtës së markës tregtare", shton ai.Në vitet 2005-2010, "Bavaria" ka prodhuar pijen energjike B-52 me kanaçe me ngjyrë blu, por kjo markë e regjistruar nuk përdoret më dhe tani tregtohet vetëm në kanaçe me ngjyrën gri dhe gërmat e kuqe. Ndërkohë, me të njejtin emër dhe produkt, ka vijuar të dalë në treg edhe kompania tjetër shqiptare qe tani paraqitete edhe sipas drejtesia shqiptare si pronare autentik te logo.

(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

E konfirmon trajneri, Ardian Ismajli lë Empolin në janar! Juventus dhe Napoli në garë

E konfirmon trajneri, Ardian Ismajli lë Empolin në janar! Juventus dhe Napoli në garë

26 Nëntor, 13:39