POP 5

Lajmet më të lexuara të 5 minutave të fundit

Kronikë

Babai: Imami më nisi djalin
me gjithë familjen e tij në Siri

Në një kohë kur Gjykata e Krimeve të Rënda ka lënë në burg 8 personat e arrestuar për dërgimin e mercenarëve Shqiptarë në luftimet e Sirisë, një tjetër denoncim kundër “imamit” të vetëshpallur Genci Balla është rregjistruar në prokurori.
TIRANE- Në një kohë kur Gjykata e Krimeve të Rënda ka lënë në burg 8 personat e arrestuar për dërgimin e mercenarëve Shqiptarë në luftimet e Sirisë, një tjetër denoncim kundër “imamit” të vetëshpallur Genci Balla është rregjistruar në prokurori. Familja Shuli nga fshati Gurras i Zagroçianit në Pogradec, akuzon “imamin” e xhamisë së Unazës së Re, për rekerutimin dhë dërgimin e djalit në luftimet në Siri.

Kryefamiljari Dylber Shuli tregon detaje të ikjes së djalit dhe kallëzimin ndaj shtetasit Genci Balla, të cilin e akuzon si ideatorin e dërgimit të së birit në Siri. Nisur nga kjo situatë Dylber Shuli, i është drejtuar me një kallëzim penal prokurorisë së Pogradecit, kallëzim i cili pritet që shumë shpejt të administrohet në dosjen penale të Prokurorisë së Krimeve të Rënda.

Kallëzimi
Në denoncimin e tij i moshuari Dylber Shuli pretendon se djali i tij, Krenar Shuli nga aeroporti i Rinasi u largua drejt Turqisë më 24 tetor të vitit të kaluar së bashku me tre fëmijët dhe gruan. Për këtë ai nuk morri miratimin e familjarëve. Nëna e Krenar Shulit, Asija edhe pse flet herë pas here në telefon me djalin, është në merak dhe kërkon të kthehet. Ajo pretendon se djalin e kanë mashtruar pasi vetëm 6 klasë shkollë kishte. Dy të moshuarit kërkojnë që prokuroria të hetojë rastin e dërgimit të Krenar Shulit në Siri. Ky i fundit disa kohë më parë ka qënë emigrant në Greqi, dhe pasi është kthyer në Shqipëri ka rënë në kontakt me shtetasin Genci Balla, i cili ka arritur ta bindë që të largohet së bashku me familjen e tij, në drejtim të Sirisë.

Në Siri 5 persona
Ndërkohë sipas kryeplakut të fshatit, Altin Beqiri, dërgimi i të rinjve është bërë si aventurë në zonën e tyre. Ai pranon se nga fshati kanë ikur në Siri rreth 5 të rinj. Imami i vetëshpallur Genc Balla, i njohur mes myslimanëve edhe me emrin Shehj Abdurrahim Balla tashmë do të përballet edhe me një denoncim të ri. Balla, i arrestuar për terrorizëm dhe pas kallëzimit të shkodranit Mani për dërgimin e ish-bashkëshortes dhe djalit të tij 4 vjeç drejt Sirisë, Dylber Shuli nga Gurras e akuzon imamin e xhamisë së Unazës së Re.

Shkrimi u publikua sot (16.03.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Agjencitë e punësimit afat deri më 17 Mars për aplikimet në QKB të kritereve të reja

Agjencitë e punësimit afat deri më 17 Mars për aplikimet në QKB të kritereve të reja

13 Mars, 15:34