‘Babalja’ konspiracion për të rrëzuar qeverinë? Basha: Rama si Enver Hoxha, ‘aktori’ lojë e tij

Dosja ‘Babale’ vijon që të jetë kryefjalë, ndërsa pas zbulimit të përgjimeve ku kunati i Albert Veliut pranon se ishte ai personi që imitoi Agron Xhafajn, sot ka pasur replika mes kryeministrit Edi Rama dhe kryetarit të PD, Lulzim Basha.

Shefi i qeverisë tha sot se ‘Babalja’ është një konspiracion i përgatitur në dy skuta dhe që kishte për qëllim rrëzimin e qeverisë. Por Basha reagoi gjatë një bashkëbisedimi me gazetarët duke e krahasuar Ramën me Enver Hoxhën.

Ka zbuluar konspiracion nga opozita për të rrëzuar pushtetin popullor. Vetëm një mendje e sëmurë mund të ketë një imagjinatë të tillë banale duke paraqitur lidhjet kriminale si konspiracion si në kohën e Enver Hoxhës.

LEXO EDHE:
Kryeministri spanjoll mendon dorëheqjen ndërsa bashkëshortja akuzohet për korrupsion, Rama: Mos u dorëzo, e vërteta do mbizotërojë

Lulzim Basha

Lulzim Basha këmbëngul se ekspertiza është e manipuluar dhe se zëri në përgjim është i Agron Xhafajt. 

Zëri është i Agron Xhafajt, ka qenë i përfshirë në trafikun e drogës. Në ekspertizë u dërgua zëri me cilësi të dobët. Prokuroria nuk ka asnjë fakt që ka manipulim. Në hetimin e prokurorisë mungon plotësisht Agron Xhafaj.

Lulzim Basha

Referuar zbardhjes së përgjimeve, ku kunati i Albert Veliut, Fredi Alizoti pranon se ishte ai aktori në audio-përgjim, Basha e cilësoi si një lojë banale, ndërsa lëshoi akuza të forta në drejtim të prokurorisë. Basha tha se i vetmi aktor në këtë çështje është Edi Rama, ndërsa shtoi se krimi është i lidhur ngushtë me pushtetin.

Aktori i vetëakuzuar dhe vetëofruar është një lojë banale dhe e trashë e krerëve të policisë dhe prokurorëve nën udhëzimin e Fatmir Xhafajt. Kjo është një vepër e rëndë penale, do të përballen me drejtësinë. Unë po pres të shoh sa shumë do të zhyten në këtë histori, Rama, policia dhe prokuroria. Presim të shikojmë ekspertizën italiane, apo refuzimin e Italisë. Pres konkluzionet për hetimin e pasurisë së Agron Xhafajt. Po pres që prokuroria të marrë në pyetje Ramën dhe Xhafajn.

Lulzim Basha

Në fund, Basha tha se vendi ndodhet në gjendje emergjence dhe grushti shteti.

Ndodhemi në një gjendje grushti shteti, nuk kemi Gjykatë Kushtetuese, të Lartë, policia është e shpartalluar. Do të nxjerrim Shqipërinë nga kjo gjendje e emergjencës kombëtare.

Lulzim Basha

Report Tv zbuloi ekskluzivisht dosjen e Prokurorisë së Krimeve të Rënda, ku thuhet se Fredi Alizoti, kunati i Albert Veliut i quajtur ndryshe "Babale" ka pranuar se ka imituar zërin e Agron Xhafajt dhe për këtë shërbim ai sëbashku me 'Babalen' do paguheshin 200 mijë euro nga deputeti i PD, Ervin Salianji.

TAG:
• edi rama
• lulzim basha
• dosja babale

Sondazhi i ditës:

A ka politika frikë nga SPAK-u?

• Po

  68.7%

• Jo

  26.3%

• Nuk e di

  5%

Vota total: 4195

• Sondazhi i ditës:

  A ka politika frikë nga SPAK-u?

  Po Jo Nuk e di