POP 5

Lajmet më të lexuara të 5 minutave të fundit

Politikë

‘Babalja’, Rama: Konspiracion për rrëzimin e qeverisë, skenari u përgatit në dy skuta shtetërore

I pyetur nga Report Tv nëse ka deputetë nga opozita që meritojnë të përballen me akuza penale për dosjen ‘Babale 1’, Rama tha se i di të gjitha dhe pret që të dalë e vërteta e plotë.

TIRANE-Kryeministri Edi Rama ka paralajmëruar sot se do të dalin të gjithë emrat që janë të përfshirë në dosjen ‘Babale’, e cili rezultoi montazh dhe që prokuroria ka kërkuar arrest me burg për Albert Veliun dhe kunatin e tij Fredi Alizoti, i cili nga përgjimet e zbardhura nga Report Tv ka pranuar se do të merrnin 200 mijë euro nga PD.

Në përgjimet e zbardhura nga Report Tv zbulohet se Albert Veliu ka takuar në fillim deputetin e PD-së Ervin Salianji. I pyetur nga Report Tv nëse ka deputetë nga opozita që meritojnë të përballen me akuza penale për dosjen ‘Babale 1’, Rama tha se i di të gjitha dhe pret që të dalë e vërteta e plotë.

Ua kam lënë juve të bëni gazetari, do i jepnit përgjigje shumë thjeshtë këtyre pyetjeve dhe shumë më parë se prokuroria të arrinte në gjysmë konkluzionet deri tani. Unë i di të gjithë, por nuk dëshiroj që të them më tepër. Kam angazhuar një grup për të gjithë këtë dhe pres që e vërteta të dalë e plotë. Nuk kam për ta lënë edhe sikur të zbutet, unë nuk jap vendime.

Edi Rama

Gjithashtu shefi i qeverisë akuzoi se skenari për ketë konspiracion për rrëzimin e qeverisë u përgatit në dy skuta shtetërore, por nuk pranoi që të përgjigjej kur u pyet sërish nga Report Tv nëse njëra nga këto ishte SHISH.

Kam qenë i zënë dje me demaskimin e Kinostudios dhe nuk kam parë ndonjë platformë, por në filmin Babale 1 në bashkëpunim me elementë të krimit, kemi korrupsion, kemi përfshirje të drejtpërdrejtë të partisë politike në bashkëpunim edhe me oferta korruptive dhe kemi edhe më shumë se kaq, sepse filmi është konceptuar dhe skenari është shkruar në dy skuta, unë do i ftoja të jepnin një ndihmesë për publikun që kjo shfaqje ekstreme të mos kalojë si një shfaqje e radhës. Skenari është përgatitur në dy skuta. Shqiptarët do e mësojnë me emra dhe me mbiemra kush është përfshirë në këtë konspiracion për rrëzimin e qeverisë.

Edi Rama

Më pas Rama u rikthye sërish te dosja ‘Xhisiela’ ku theksoi se nga kqyrja e kamerave të sigurisë, Taulant Balla nuk ka qenë në komisariatin e Fushës Krujës në 21 korrik, por as vetë Nuhu që denoncoi.

Kamerat e Fushë Krujës kanë të vërtetën brenda, u tha në deklaratë, por nuk është detyra ime të bëj punën tuaj as të krijoj idenë që po ndërhyj. Kamerat janë në prokuroi, shkoni gjeni Ballën dhe oficerin ditën që thotë se i kanë vënë revolen.

Edi Rama

Gjatë fjalës së tij, Rama foli edhe për Reformën Zgjedhore pas prezantimit të paketës dje nga opozita. Ai tha se shumica është dakord për pilotimin për votimin dhe numërimin elektronik, por opozita ka bojkotuar  komisionin.

Përsa i përket zgjedhjeve ne kemi një rekomandim, në konkluzionet e KE, i cili është futur përmes grupit parlamentar të CDU-CSU që ka marrë shqetësimin e shprehur nga PD për zgjedhjet dhe e kemi marrë seriozisht. Qeveria gjermane është përfshirë përmes dy fondacioneve dhe ne kemi punuar dhe kemi draftin e propozimeve dhe kemi punuar për të eksploruar mundësitë e pilotimit të votimit dhe numërimit elektronik edhe për këtë jemi gati, mjafton që pala tjetër të vijë që të vijë të diskutojnë të gjitha rekomandimet.

Edi Rama

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça