SIDNEI - Një balenë dhe foshnja e saj u vunë re në gjirin e Sidneit, në një distancë të shkurtër nga brigjet.

Rrallë ndodh që shembuj të ngjashëm të jenë pranë tokës dhe shumë kuriozë kanë qëndruar për të asistuar ngjarjen, ndwrsa sipas ekspertëve balenat shumë shpejt duhet të kthehen në det të hapur.

Balenat e shfaqura në këto brigje janë një specie në zhdukje. Gjatësia e një të rrituri varion nga 14 deri në 18 metra, për një peshë mesatare prej 54 ton.

Ndërkohë të pranishmit gjatë kësaj shfaqjeje spektakolare s’kanë reshtur së filmuari dhe fotografuari ngjarjen që ndoshta vetëm njëherë mund ta ndeshin gjatë jetës