Shqipëria është përzgjedhur për të mirëpritur konferencën rajonale europiane të organizatës ndërkombëtare të policisë kriminale Interpol, e cila do të zhvillohet në Tiranë në datat 11-13 qershor.
Lajmi u bë i ditur nga ministri i Brendshëm, Taulant Balla në një prononcim për mediet pas mbledhjes së qeverisë.
“Ministria e Brendshme kishte propozuar për mbledhjen e radhës të qeverisë dy akte. I pari ka të bëjë me organizimin e kësaj konference, e cila është një vlerësim së pari për Shqipërinë në tërësi, por po ashtu edhe për rezultatet e mira të arritura nga Policia e Shtetit, e cila në bashkëveprime dhe me agjencitë e tjera ligjzbatuese ka forcuar goditjen kundër krimit të organizuar, pandëshkueshmërisë, sepse kjo lidhet drejtpërsëdrejti me një etapë të re të bashkëpunimit mes Policisë së Shtetit dhe Interpol”.- tha Balla.
“Ju e keni parë çdo ditë që Policia e Shtetit me këtë agjenci të rëndësishme ndërkombëtare po gjen dhe po ndalon me qëllim ekstradimin në Shqipëri apo nga Shqipëria në vende të tjera të personave të përfshirë në akte apo vepra të tjera penale. Në këtë këndvështrim ratifikimi më pas nga kuvendi i kësaj marrëveshje që ka të bëjë me organizimin në Tiranë të konferencës rajonale europiane është një moment, i cili natyrshëm do të shërbejë edhe për të mirëpritur në Shqipëri drejtuesit e Ministrive të Brendshme, por edhe drejtuesit e Policive të Shtetit të gjithë vendeve të Europës dhe po ashtu për të rritur e forcuar bashkëpunimin në nivel dypalësh me të gjitha policitë e vendeve europiane”, nënvizoi Balla.
Balla u shpreh se “Shqipëria po mirëpret samitet e BE-së, sikurse ndodhi në dhjetor të 2022, mirëpret samitet e Procesit të Berlinit, si dhe këtë samit të rëndësishëm të organizatës më të madhe të bashkëpunimit policor në botë, Interpol”.
Sakaq qeveria ka miratuar rregulla të reja për licencimin dhe magazimin e lëndëve piroteknike. Ministri i brendshëm tha se qytetarët janë ankuar për përdorimin e fishekzjarrëve ndërsa premtoi se policia do të monitorojë më fort situatën.
Përdorimi në mënyrë të parregullt i lëndëve piroteknikë fishekzjarrëve jo vetë oraret dhe përdorimit në mesnatë ato që më kuptojmë më mirë nënat me fëmijë të vegjël . kemi miratuar rregulla të reja për mënyrën e pajisjes me licensë dhe procesin e licencimit dhe sigurinë që lidhet me magazinimin.. se fsheh faktin se e kemi lehtësuar në aspektin burokratik duke përqasur aplikimin online. Do të lehtësohet procedura. Apeli im ndaj qytetarëve, por kjo nuk duhet të dëmtojë apo prishë qetësinë e anëtarëve të tjerë të komunintetit ku ti jeton qoftë në Shqipëri apo kodit penal. Është e palejuar dhe ndëshkohet penalisht përdorimi i lëndëve piroteknike. Policia do vazhdojë të monitorojë situatën.’- tha Balla.
Deklaratëns së kreut të SPAK Altin Dumani pak ditë më parë se ka policë të inkriminuar brenda Policisë së Shtetit, Ministri i Brendshëm Taulant Balla iu përgjigj duke thënë se në se Policia e Shtetit dhe prokuroria e posaçme kanë pasur një sërë aksionesh të suksesshme, pa rrjedhje informacioni.
Ministri Balla: Sot në mbledhjen e qeverisë janë miratuar edhe rekomandimet sa i përket luftës kundër kriminalitetit. Sa i përket bashkëpunimit me Prokurorinë e Posaçme gjej rastin të them që në vlerësimin tim dhe të drejtuesve të Policisë së Shtetit, bashkëpunimi është i shkëlqyer. Më rezulton që nuk kemi asnjë operacion të përbashkët të Prokurorisë së Posaçme dhe të Policisë së Shtetit që të ketë pasur rrjedhje të informacionit. Të gjitha operacionet kanë qenë të suksesshme, të gjithë personat për të cilët janë lëshuar urdhër-arreste, janë mundur të identifikohen, të bëhet gati procesi, dhe më pas të arrestohen nga Policia e Shtetit. Ky bashkëpunim po vijon dhe në luftën për t’i dhënë fund pandëshkueshmërisë që ka të bëjë me personat të cilët i shmangen drejtësisë, kështu që edhe në këtë aspekt, ne vijojmë të punojmë së bashku. Mund t’ju them p.sh., që t’i referohem operacionit të fundit, të iniciuar nga Policia e Shtetit që ka të bëjë me luftën kundër emigracionit të paligjshëm, dhe më pas me bashkëpunimin e shkëlqyer me Prokurorinë e Posaçme, i cili vazhdon. Deri tani janë arrestuar një numër i konsiderueshëm personash të përfshirë në rrjetet e trafikimit, por janë arrestuar dhe punonjës të policisë, kryesisht të Departamentit të Policisë Kufitare, të cilët janë të përfshirë në mbështetje të veprimtarive kriminale. Dua ta theksoj që procesi i vetëpastrimit të Policisë së Shtetit është një proces i rëndësishëm, është prioriteti im kryesor në detyrën e Ministrit të Brendshëm, dhe të mos harrojmë që ky lidhet drejtpërdrejt me bashkëveprimin me të gjitha agjencitë e tjera ligjzbatuese, qofshin këto vendase apo të huaja. Kur them agjenci ligjzbatuese Prokuroria e Posaçme dhe prokuroritë e juridiksionit të përgjithshëm, janë aleatët tanë të rëndësishëm për ta çuar përpara këtë proces, dhe po ashtu dhe agjencitë e tjera sikurse është Interpoli, Europoli. Të mos harrojmë, këtu mund t’ju marr një shembull, - vlerësimi i agjencive ndërkombëtare ligjzbatuese për vitin 2023, Policia Britanike dhe ajo Metropolitane e kanë shpallur Policinë e Shtetit si partnerin e tyre më të mirë, sa i përket bashkëpunimit. Kjo lidhet drejtpërdrejt me besimin dhe punën efikase nga Policia e Shtetit. Por unë nuk e fsheh që ne ende nuk jemi aty ku unë dua të jemi, që ka të bëjë me gjykuesin tonë kryesor, dhe gjykuesi ynë kryesor është publiku. Unë pres dhe punojmë çdo ditë bashkë me çdo punonjës të Policisë së Shtetit për ta bërë këtë institucion dhe këtë organizatë partnerin më të besueshëm për qytetarët. Ata janë që na gjykojnë!
Lajme të tjera
-
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë
18 Nëntor, 18:48 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Balla takim me deputetin Shaip Kamberi në parlamentin serb: Kërkesat e shqiptarëve të Luginës së Preshevës duhet të respektohen
12 Nëntor, 16:22 -
Balla takim me komunitetin shqiptar në Venecia: Vota e Diasporës, një hap i rëndësishëm për demokracinë shqiptare
9 Nëntor, 16:54 -
Balla takim me drejtuesit e Shoqatës së Avokatëve Shqiptarë në Itali: Po punojmë për zgjidhjen e problematikave me njohje dokumentash dhe lehtësim procedurash konsullore
8 Nëntor, 20:20 -
Blushi akuza për arrestimin e Ilir Metës: Policia po ruan emrat e efektivëve që morën pjesë në Operacion, iu mohua edhe avokati
7 Nëntor, 15:06 -
Buxheti i Ministrisë së Brendshme 310 mln euro, 20% më shumë se vjet! Pjesa e ‘luanit’ për policinë, por nuk ka rritje pagash! Ministri: Rrisim investimet
5 Nëntor, 16:16 -
Partia e Lirisë kërkesë Policisë e Ministrisë së Brendshme: Na vini në dispozicion emrat e policëve që ‘rrëmbyen’ Ilir Metën, operacion kriminal
4 Nëntor, 11:46 -
Balla takim me studentë dhe profesionistë shqiptarë në Selanik: Shqipëria, tërheqëse edhe në aspektin ekonomik
2 Nëntor, 18:34 -
Debati për anijen me mbetje zhvendoset në Kuvend! Açka: Do asgjësohen në det! Balla: Ka ikur koha kur nuk zbatohej urdhri i Prokurorisë! Hoxha: S'janë kuti kartoni t'i fshehim
31 Tetor, 11:07 -
Pjesëmarrja e ambasadorëve në takimet e Ramës me diasporën, Bardhi: Po përgatisim kallëzim penal në SPAK! Presidenti të reagojë
27 Tetor, 12:30 -
Në kërkim ndërkombëtar, arrestohen 3 shqiptarë në Greqi dhe Itali! Pritet ekstradimi
26 Tetor, 11:51
