Ministri i Brendshëm Taulant Balla ka njoftuar ditën e sotme se ka hyrë në fuqi regjimi i lirë i trafikut në kufirin mes Shqipërisë dhe Kosovës, pjesë e marrëveshjeve të nënshkruara mes dy qeverive.
“Sot fillon zbatimi i regjimit të lirë të trafikut lokal të kufirit në hapësirën prej 30 km nga të dy anët e kufirit mes Shqipërisë dhe Kosovës, në pikat e veçanta të kalimit kufitar. Ndërsa në Pikat Kufitare të Morinës dhe Vermicës do të ketë korsi të dedikuara për kalimin e lehtësuar të kufirit”, shkruan Balla në Facebook.
Në bazë të kësaj marrëveshjeje, firmosur më 26 nëntor 2021, zona kufitare e lëvizjes së lirë të banorëve me leje të trafikut lokal kufitar është deri në 30 km brenda territorit të palëve nënshkruese dhe shtetasit në të dyja anët do të përfitojnë shërbime të njëjta si në Kosovë, ashtu edhe në Shqipëri, sikur të jenë shtetas të të dyja vendeve.
Kjo marrëveshje synon ta lehtësojë thjeshtëzimin e lehtësimin e procedurave dhe qarkullimin e banorëve të zonës kufitare të cilët kanë të drejtë të qëndrojnë në zonën kufitare të palës tjetër, me kusht që kohëzgjatja e qëndrimit të tyre të mos jetë më e gjatë se 90 ditë brenda 180 ditëve.
Banorët e zonës kufitare do të lejohen të kalojnë kufirin tokësor në bazë të regjimit të trafikut lokal kufitar, duhet të jenë të pajisur me një dokument të vlefshëm identifikimi; lejen e trafikut lokal kufitar; të mos jenë subjekt i një mase të ndalimit të hyrjes në territorin e palëve nënshkruese ose që nuk përbëjnë kërcënim për rendin publik, sigurinë e brendshme, shëndetin publik apo marrëdhëniet ndërkombëtare.
Nga Shqipëria drejt Kosovës dhe anasjelltas, ka nisur sot zbatimi i regjimit të lirë të trafikut lokal të kufirit në hapësirën prej 30 km nga të dy anët e kufirit, në 20 pikat e veçanta të kalimit kufitar. Në PKK Morinë e Vermicë do të ketë korsi të dedikuara për kalimin e lehtësuar të kufirit.
Dy ministrat e Brendshëm Taulant Balla dhe Xhelal Sveçla ishin në PKK Morinë, për të parë nga afër procesin e lehtësuar.
Ministri Balla tha se gjithçka është në shërbim të qytetarëve.
"Dy vende, të cilat bashkëpunojnë me njëra-tjetrën në dobi të qytetarëve të vetë, qofshin ata të qytetarë të Kukësit, Hasit apo të Tropojës, qofshin ata të Prizrenit kanë mundësinë që të lëvizin lirshëm në 20 vend kalime kufitare, edhe aty ku nuk ka rrugë se disa prej tyre janë thjesht kalime normale. Kemi vendosur shenjat, kemi vendosur tabelat dhe brenda 30 km nuk ka nevojë më për asgjë. Pajisjen me lejet e kalimit, ne e kemi përmes e-Albania, Kosova përmes sistemit tuaj dhe gjithçka në rregull.
Ja ku i keni të gjitha pikat e kalimit, pra nuk ka nevojë që banorët nga Tropoja, Kukësi apo Hasi apo nga pjesa tjetër e kufirit të vinë për në Morinë apo në Vërmicë. Tani kanë pikat e tyre të kalimit, pranë banesave të tyre, pranë fshatrave të tyre dhe nuk kanë nevojë as për pasaportë, as për kartë identiteti, as për gjë", deklaroi për mediat Balla.
Ministri Sveçla pohoi se 25 vjet nga dita e çlirimit të Kosovës po ecet me hapa të shpejtë, që mos ketë kufij mes shqiptarëve.
"Nga sot shtetasit e dy vendeve do të kalojnë pa asnjë farë kontrolli, pas asnjë farë ndalese në këtë pikë kufitare si tha edhe Ministri, miku im Taulanti, edhe në 20 pikë kalime kufitare për zonat e banuara apo për brezin kufitar 30 km në anën e Shqipërisë dhe 30 km në anën e Kosovës", u shpreh ministri i Punëve të Brendshme të Kosovës.
Pika e Morinës do të jetë pikë kontrolli vetëm për shtetasit e vendeve të treta, për shtetasit e Shqipërisë, për shtetasit e Kosovës do të mund të kalojnë në çdo kohë pa ndalesë.
Lajme të tjera
-
Presidenti Begaj vizitë dyditore në Gjermani, në fokus integrimi i Shqipërisë në BE! Takim edhe me drejtuesit e shoqatave të Diasporës
18 Qershor, 11:22 -
Balla në Berlin takon ministren e brendshme Faeser, në fokus operacionet e përbashkëta! Shkëmbejnë fanellat e kombëtareve (FOTOT)
18 Qershor, 09:39 -
Kush e pengon paqen e qëndrueshme mes Kosovës e Serbisë?
17 Qershor, 19:41 -
Zyrtare/ E mbani mend Ergys Kaçen? Ish-mesfushori i Kombëtares firmos në Kosovë
17 Qershor, 18:57 -
BE: Të mos spekulohet rreth heqjes së masave ndëshkuese ndaj Kosovës
17 Qershor, 17:16 -
Propaganda e Kremlinit me “luftrat e Perëndimit”: NATO sulm Rusisë përmes Shqipërisë dhe Kosovës
17 Qershor, 11:02
-
16 qershor, 1999: Pamjet e paimagjinueshme të kthimit me fytyra të qeshura në Kosovë
16 Qershor, 21:55 -
'Kur hyra në Kosovë, me autokolonën e trupave nepaleze', Lulzim Basha në podcastin e rradhës nga Prekazi
16 Qershor, 18:53 -
'U lejua flamuri i Shqipërisë së Madhe i UÇK-së', tërbohen mediat serbe: Ne nuk na lejohet të përporim flamurin
16 Qershor, 16:58 -
SPECIALE/ Histori personale nga të huajt që jetojnë në Shqipëri/ Kanë ardhur nga e gjithë bota për të punuar e studiuar në qytete të ndryshme të vendit
16 Qershor, 12:26 -
Balla me të rinjtë që jetojnë jashtë vendit: Besoj se 2030 do na gjejë anëtarë të BE-së! Kemi nevojë për djem e vajza të specializuar në teknologji
14 Qershor, 15:32 -
Gjermania: Normalizimi mes Kosovës dhe Serbisë nënkupton njohje të ndërsjellë
14 Qershor, 11:09
