Balla për zgjedhjet e delegatëve:
Proces transparent e demokratik

Nënkryetari i grupit parlamentar të Partisë Socialiste, Taulant Balla e ka konsideruar procesin e zgjedhjeve në katër qarqet fier, Elbasan, Korçë e Berat si një proces transparent e demokratik.
 
Duke folur në selinë e PS-së, Balla ka shtuar se në këto votime kanë marrë pjesë më shumë se 725 e anëtarëve, ndërkohë që nga 337 delegatë 146 janë gra e vajza dhe 1/3 e tyre janë të rinj e të reja.
 
Ai ka shtuar se këtë fundjavë do të kenë mundësi për të votuar anëtarësia e Dibrës dhe Lezhës, ndërkohë që pas mbarimit edhe të qarqeve të tjera në fundjavën e fundit të këtij muaji, do të mbahet edhe Kongresi që është përcaktuar më 19 mars.
 
Ja deklarata e plotë e Taulant Ballës
 
Faleminderit anëtarësisë për votimin këtë të shtunë në 4 qarqe, ishte proces transparent e demokratik, u zhvillua veç në Partinë Socialiste, përmes parimit një anëtar një votë.
Të dhënat e zgjedhjeve në 4 qarqe
Morën pjesë 24 mijë e 783 anëtar në votim, nga 33 mijë e 996 në total. U zgjodhën delegatët ku nga 337 delegatë, 146 janë gra e vajza dhe 109 janë të rinj e të reja. Është respektuar vendimi i Asamblesë për të garantuar pjesëmarrje 50% me 50% burra e gra ku 1/3 e delegatëve janë të rinj.
Procesi është gati për tu zhvilluar javën që vjen në Lezhë e Dibër dhe do i kërkoj anëtarëve që të marrin pjesë në votime.
Procesi i përzgjedhjes së delegatëve është i rëndësishëm, ka kaluar përmes shumë fazave dhe tashmë është faza e parë drejt kongresit ku më 19 mars do mblidhet kongresi.

Deklaratë e nënkryetarit të grupit parlamentar socialist, Taulant Balla, njëkohësisht drejtues politik i Rajonit Elbasan dhe Korçë

Redaksia Online
(F.T/shqiptarja.com)