Balla publikon videon e të mbijetuarit të masakrës së Krushës, Bellanica: Filmimet ia kam dorëzuar Lulzim Bashës (VIDEO)

Sikurse është shprehur edhe më herët, kreu i grupit parlamentar socialist Taulant Balla ka publikuar videon e Milaim Bellanicës, të mbijetuarit nga masakra e Krushës së Madhe.

Sipas tij, ai mundi të filmonte masakrat dhe ekzekutimet e serbëve në Krushë të madhe. Bellanica shprehet se iu drejtua medias ndërkomëbtare BBC për ta transmetuar.

Ai thotë se një kopje ia ka dhënë BBC ndërsa filmimet origjinale ia ka dhënë Lulzim Bashës, përkthyes i Gjyqit të Hagës në atë kohë.

"Ata më thonin se Serbi të ka dhënë para të mëdha që more guximin për të transmetuar në televizion këtë kasetë. Unë iu ktheva BBC për ta transmetuar. E kanë parë një herë regjistrimin. Kur e kanë parë fillimisht regjistrimin, ata të BBC filluan të qanin. Kemi bërë një marrëveshje që të më largonin mua jashtë Shqipërisë. Por nuk u bë asgjë. BBC e ka parë të gjithë inçizimin dhe kanë marrë kopjen. Origjinalin ja kam dhënë Lulzim Bashës. Më kanë marrë dhe më kanë çuar në një si sallon dhe më kanë regjistruar të gjithë deklaratën, ata kanë marrë kopjen ndërsa origjinalin ja kam dhënë Lulzim Bashës, përkthyesi i Gjyqit të Hagës" - thotë Bellanica.

Lajmi kryesor:

Balla: Basha ka kasetën me ekzekutimet e fjalimet e serbëve nga masakra e Krushës! Iu dorëzua kur ishte punonjës i UNMIK! Publikoje sot se është provë kyçe për Kosovën

E.M./b.ha./Shqiptarja.com

TAG:
• kosove
• taulant balla
• uck
• krime lufte
• gjykata speciale ne hage