Balla: S’ mund të dalë këtu deputeti të mbrojë biznesin e tij! Shehaj ‘shpërthen’ në Kuvend: Parlamenti është i gjithi biznesi juaj

 

Deputeti i PD-së Agron Shehaj ka shpërthyer në tonë në seancën plenare pasi u akuzua nga nënkryetarja e parlamentit dhe Balla se reklamoi biznesin e tij. Shehaj tha se s’mund ta akuzojë askush sepse e vërteta e madhe ëhstë që Parlamenti është biznesi më i madh i mazhorancës e cila vetëm vjedh.

Pjesë nga debati:

Balla: Që deputeti të marrë fjalën në Kuvendin e Shqipërisë dhe të flasë për punët e prokurorisë është e turpshme, e papranueshme dhe bie ndesh me librat që kryejnë punën në kuvend. Ndaj zonja drejtuese e seancës që në ushtrim të kompetencës duhet t’i rikujtoni deputetit që më anë të kësaj deklarate bie ndesh me çdo rregull të kodit të sjelljes. Nuk mund të dalë deputeti këtu të mbrojë biznesin e tij.

Shehaj: Nëse ju realisht mendoni se do më mbyllni gojën me këto rregulla që i nxirrni kur ju do qejfi  u bën qesharak. Nëse mendoni se vij këtu e flas për biznesin tim është shqetësuese. Unë ngrita një shqetësim, Policia e Shtetit ka 3 javë që ka hyrë në ambiente private, s’erdha këtu që në ditën e parë. Unë prita 3 javë, i kemi shkruar prokurorisë që na thotë s’kemi bërë kontrolle. Ju nuk keni moral të më thoni smund të vi këtu e të flas për biznesin tim. Sepse ky Parlament është biznesi juaj e jeni bërë milionerë. Ishte një sulm politik se thashë që ministrja e kryeministri kanë marrë pronën publik.Kam 20 vite që merrem me biznes. 

Felaj i ndërpret fjalën: Ju ftoj të hiqni dorë nga toni i përdorur në kuvendin e Shqipërisë. Ju tërhoq vëmëndja mos flisi për bizneset tuaja në Kuvendin e Shqipërisë. 

Ndërhaq, deputeti Edmod Spaho ka marrë në mbrojtje Shehaj për ndërprerjen e fjalës së tij, duke thënë se në asnjë moment deputeti Shehaj nuk ka ngritur çështjen e biznesit të tij dhe sipas tij, Shehaj po kërcënohet në parlament. 

'Më sjelljen tuaj po e degradoni parlamentin dhe këtë maxhorancë, përveç veprave që bën vetë maxhoranca duhet që edhe ju të thyeni rregulloren dhe gjitha aktet e tjera që garantojnë punën e parlamentit sa herë që ju dëshironi. Në asnjë rast nuk ngritur çështjen e bizneseve të tij, por një çështje thelbësore që ka të bëjë më lirinë dhe demokracinë. Presioni politik që i bëhet për të mbyllur gojën për atë që ka ndërmarrë në parlament. Kjo është demokracia, që edhe një deputet të kërcënohet në këtë mënyrë. Foli dhe tregoi që prokuroria nuk ka asnjë veprim të ndërmarrë ndaj tij. Ca bëni mor, çështje kjo punë. Pse kjo arrogancë, do iu cojë atje ku nuk e mendoni.'- tha Shehaj. 

Lajmi kryesor:

Shehaj në Kuvend: Më keni mbyllur biznesin për presion politik! Rama i përgjigjet: E kishe në një ndërtesë pa leje, u bllokua nga IKMT

G.MO/Shqiptarja.com

TAG:
• Kuvendi i Shqiperise
• edi rama
• PD
• agron shehaj
• ERMONELA FELAJ
• IKMT