Balla tregon për takimin Rama-
Rummenigge në 'Allianz Arena'
FOTO/Rama me kreun e bavarezëve

Kryeministri Edi Rama i shoqëruar nga deputeti socialist, Taulant Balla, përjetuan "live" pasditen e kësaj të shtune, emocionet e ndeshjes Bayern Munchen - Bayer Leverkusen, nga stadiumi madhështor "Allianz Arena", në Mynih.
 
Ishte drejtori i Bayern-it, Rummenige ai që ftoi kreun qeverisë shqiptare në stadium.
 
Deputeti Balla tregon dhe për takimin e Ramës me Rummenigen, ku sipas tij fokusin e bisedës e zuri futbolli dhe veçanërisht kujtimet e ish-sulmuesit të Gjermanisë për Shqipërinë.
 
"Kryeministri Rama ishte i ftuar nderi i Bayern Munchen sot per te ndjekur një ndeshtje të vështirë për bavarezët me Leverkusen. Si tifoz "i regjur" i Bayern pata edhe unë nderin të jem bashkë me Kryeministrin në këtë festë për bavarezët. Një super pritje dhe bisedë e këndshme me Karl Heinz Rumenige CEO i Bayern Munchen për futbollin dhe kujtimet e tij nga Shqipëria, ku Bayern dhe Gjermania kanë shumë tifozë", shkruan Balla në Facebook. 






(Kryeministri Rama dhe deputeti Balla me Rummenigen)


Redaksia Online
l.q/Shqiptarja.com