HEC-i i parashikuar të ngrihej në përroin e Rehovës, degë e lumit të Kardhiqit në fshatin Kolonjë të njësisë administrative Cepo në Gjirokastër, nuk do të ndërtohet. Ministria e Infrastrukturës dhe Energjetikës ka vendosur pezullimin e procesit pas shqetësimit të ngritur nga banorët për impaktin që shkaktonte ndërtimi i kësaj vepre në zonën në fjalë.
Ministrja Belinda Balluku, ministri i Turizmit dhe Mjedisit, Blendi Klosi, së bashku me deputetin Flamur Golemi, zhvilluan një bashkëbisedim me banorët e Kolonjës, pas ankesës së këtyre të fundit në platformën e bashkëqeverisjes shqipëriaqëduam.al.
“Po të gjykosh nga mënyra sesi është propozuar ndërtimi i këtij HEC-i, në bazë të letrave, ka njerëz të fshatit që kanë firmosur, që kanë qenë në takim, pra 20 veta kanë qenë së bashku dhe kanë rënë dakord që kjo gjë të bëhet. Pra, po ju them që kjo bisedë është bërë me banorët, njerëzit kanë firmosur mbase pa ditur se për çfarë diskutohej, mbase të mosdakordësuar sic duhet, por po ju them që ky rasti i sotëm, dhe ne prandaj jemi të dy ministrat këtu, dhe deputeti për ta bërë këtë gjë jo vetëm për ju këtu. Se ky vendim tani është marrë nga Ministria e Energjitikës, por për ta bërë për të gjithë Shqipërinë. Dhe njerëzit nuk kanë pse firmosin në mënyrë të pandërgjegjshme, dhe që duhet të kuptojnë që tani janë gjërat shumë të rëndësishme, janë gjëra që kanë të bëjnë me jetën e fshatit, me jetën e krahinës”, tha ministri Klosi.
Ministrja Balluku nga ana e saj garantoi banorët se HEC-i në zonën e Kolonjës nuk do të ndërtohet pasi bie ndesh me kërkesat e komunitetit duke sjellë në vëmendje edhe faktin se zona në fjalë është një zonë me potencial të madh turistik.
“Ky HEC nuk do të ndërtohet. Procedura është pezulluar për të mos u hapur më. Është e anuluar. Kjo procedurë nuk qëndron më pasi ka rënë ndesh me kërkesat e komunitetit. Sigurisht uji është shumë i rëndësishëm për fshatin tuaj dhe fshati juaj bën pjesë në një zonë e cila përveç disa elementëve të zonave të mbrojtura që ka po bëhet pjesë e 100 fshatrave”, u shpreh Balluku.
Ministrja informoi banorët edhe me iniciativën e ndërmarr nga ministria që ajo drejton sa i takon skanimit të kontratave të të gjithë HEC-eve në vend dhe ku tashmë disa prej tyre janë anuluar.
“Të gjitha HEC-et kudo që janë, për shkak të ankesave të shumta dhe për shkak të problematikës që unë kam hasur nga dita e parë në atë detyrë, kanë kaluar në një skanim të plotë. Disa prej tyre janë anuluar dhe HEC-i për të cilin po flasim ka kaluar skanimin dhe i plotëson kushtet për t’u anuluar”, theksoi Balluku.
Duke ju referuar faktit që banorët e kësaj zone shqetësimin e tyre për ndërtimin e HEC-it e adresuan në platformën e bashkëqeverisjes, ministrja e Infrastrukturës dhe Energjisë, tha se “rëndësi ka që zëri i qytetarëve në këtë mandat është shumë më i fortë dhe fjala bashkëqeverisje nuk është një propagandë politike, por është e vërtetë. Ne qeverisim bashkë me ju”.
Qëndrim të njëjtë mbajti edhe ministri Klosi, i cili premtoi se bashkë me ministren e Infrastrukturës, dëgjesat publike me qytetarët dhe për qytetarët do të vijojnë në të gjithë Shqipërinë, për të ndëshkuar çdo krim mjedisor, që për rrjedhojë rrezikon edhe jetën e qytetarëve.
Komente
Lajme të tjera
-
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
PD tërhiqet nga kaosi, Klosi në Report Tv: S’kishte kompromis, kuptuan që nuk ishte rruga e duhur! Zero shanse për qeveri teknike
12 Nëntor, 20:35 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Debate të forta te Ekonomia, Spaho akuza Ballukut: Keni vjedhur miliona me Thumanë-Kashar dhe tek ‘Tuneli i Llogarasë’! I përgjigjet zv/kryeministrja
8 Nëntor, 12:27 -
Bardhi akuza zv.kryeministres: Mjafton të shohim si vishej Belinda Balluku para 5 vitesh dhe se sa kushton veshja e saj sot! Je betuar për mirëqenie qytetarësh, jo të vetes
7 Nëntor, 15:51 -
Klosi: Juve ju ka dënuar morali i këtij qyteti! Jemi PS, ju kemi mundur e do ju mundim prapë
7 Nëntor, 11:06 -
Më 31 dhjetor hapet plotësisht Unaza e Madhe! Bypass i Tiranës 'peng' i negociatave me BE
6 Nëntor, 15:21
-
Berisha denoncon punimet në Unazën e Madhe: Lubi Balluku e ndau në 14 lote për të vjedhur! Ndërtojnë me çmime 10-fish më të larta se Kroacia! Të bëjmë betejë për minimumin jetik 200 euro
4 Nëntor, 13:29 -
Denoncimi PD: Skemë ‘5D’ edhe te ministria e Belinda Ballukut! Kompania e të afërmve të Blendian Dalipit, tenderë publikë
1 Nëntor, 14:48 -
'Dëmi 180 milionë euro për 1 vit' Gazment Bardhi publikon dokumente me firmën e vulën e ministres Belinda Balluku: Shmangu Bursën e Energjisë për të favorizuar 4 kompani private
25 Tetor, 17:51 -
‘Tetori rozë’, Koçiu dhe Balluku apel grave: Parandalimi përmes depistimit shumë më efikas se kurimi, kontrolle falas pa sistem referimi
21 Tetor, 13:34 -
PD padit sërish në SPAK Belinda Ballukun! Bardhi: Shit-blerje energjie në mënyrë të paligjshme, për 1 vit grabiti rreth 180 mln euro
18 Tetor, 11:44
Znj.Balluku...Perse nuk nderhyni per Luginen e Valbones per te anulluar ndertimin e h/c ne perlen e turizmit te Shqiperise dhe jo vetem por merreni me ca prrenje...qe as dreqit nuk i prishin pune.Mos valle sindromi ULAJ ju ka infektuar edhe Juve?!Banoret e zones po ju presin!!
Përgjigju