Balluku inspekton punimet në bypass-in e Tepelenës: Problemet e shpronësimeve janë drejt zgjidhjes

Balluku inspekton punimet në bypass-in e Tepelenës: Problemet e shpronësimeve janë drejt zgjidhjes

Balluku dhe Verdho gjatë inspektimit të punimeve në bypass-in e Tepelenës

Punimet po vijojnë në bypass-in e Tepelenës dhe  tashmë kanë përfunduar afro 70% e tyre.

Punimet për mbrojtjen lumore kanë përfunduar plotësisht, ndërsa po vijon puna në kilometrin e parë dhe të dytë.

Ministrja e Infrastrukturës dhe Energjisë, Belinda Balluku, së bashku me kreun e Autoritetit Rrugor Shqiptar, Ergys Verdho, inspektuan ecurinë e punimeve.

Drejtori Verdho bëri të ditur ecurinë e punimeve, teksa tha se ato janë ndarë në disa faza.

Një nga veprat që është aplikuar për herë të parë në Shqipëri me një karrexhat konsol 6 metra, është vepër inxhinierike e standardit të lartë dhe fazën e kilometrit të dytë që është zgjerimi i karrexhatës ekzistuese, duke e sjellë në parametrat e një rruge të kategorisë C. Mbrojtja e kalasë është bërë me këtë vepër, duke bërë mbrojtjen lumore dhe bypass-in njëkohësisht”, sqaroi Verdho.

Ministrja Belinda Balluku vlerësoi rëndësinë e kësaj vepre, teksa njoftoi se ka marrë rrugën e zgjidhjes edhe problematika e krijuar me shpronësimet, duke mos krijuar kështu pengesë për vijimin e punimeve.

“Nga fillimi i shtatorit ARRSH-ja  ka marrë dosjen nga ministria dhe jemi duke bërë plotësimet e fundit, pasi ne shpesh herë problematika na vjen edhe nga vetë pronarët, të cilët dëshirojnë të shpronësohen, por nuk sjellin dokumentacionin e duhur”, theksoi Balluku.

Ministrja e Infrastrukturës dhe Energjisë, u shpreh gjithashtu se ndërtimi i bypass-it të Tepelenës, jo vetëm do të lehtësojë trafikun, por do të jetë gjithashtu edhe një pikë turistike për qytetin.

Nuk është thjesht një bypass, i cili do të ndihmojë dhe do të shfryjë të gjithë trafikun, që kalonte nga brenda qytetit, por është një vepër shumë e rëndësishme dhe për vetë Tepelenën si qytet, pasi poshtë kemi krijuar shëtitoren buzë lumit, që e kthen në një pikë turistike me interes shumë të madh. Kemi ndërhyrë dhe kemi sistemuar urën e vjetër. Ndaj i gjithë fokusi i ARRSH-së duhet të jetë këtu, për t’i dhënë dhe mundësi kompanisë që t’i zgjidhim të gjitha problematikat dhe puna të ecë me shpejtësi”, u shpreh ministrja Balluku.

Ndërtimi i bypass-it të Tepelenës do të bëjë të mundur lidhjen e dy segmenteve të rëndësishme, Levan-Tepelenë dhe Tepelenë-Kakavijë, duke lehtësuar në këtë mënyrë qarkullimin, por njëkohësisht duke rritur edhe sigurinë rrugore në këtë segment.

Punimet në bypass-in e Tepelenës 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet