Afati për kryerjen e kolaudimit të automjeteve për qytetarët që e kishin të parashikuar në muajin janar do të shtyhet në një datë pa afat. Këtë e bëri të ditur Ministrja e Infrastrukturës Belinda Balluku gjatë një konference për shtyp ditën e sotme. Ajo u shpreh se më datë 1 janar do të japë informacionin e plotë mbi shtyrjen e këtij afati.
“Procesi i kolaudimit, koncesioni përfundon më 31 janar. DPSHTR ka kapacitetet e mundshme për të mbuluar këtë shërbim duke marrë në dorëzim të gjitha asetet që koncesionari e ka detyrim ligjor për të dorëzuar. Megjithatë ky do jetë proces që do marrë kohë. Për arsye të pandemisë, do të ketë shtyrje afati që do të bëhet publik shumë shpejt. Duke e përfunduar në 2-3 ditët në vazhdim. Do të bëhet e ditur më 1 janar se kur do të shtyhet kjo datë” – tha Balluku.
Balluku foli dhe për projektin e ndërtimit të rrugës Milot-Fier për të cilën u shpreh se tenderi do të rihapet më 20 janar të vitit 2021. Gjithashtu ajo preku dhe një çështje tjetër të rëndësishme, atë të rafinerisë së Ballshit.
Ministrja deklaroi se qeveria është në kërkim të një investitori të përgjegjshëm dhe shpreson që kjo çështje të zgjidhet deri në fund të muajit shkurt.
Ndër të tjera ajo tha se aeroporti i Rinasit ka pasur problematika më parë dhe se i ka kërkuar koncesionarit që të plotësojë kushtet e infrastrukturës brenda kontratës.
Në një konferencë për mediat ajo tha se me kalimin e koncesionit tek “Kastrati Group” ka filluar një erë e re.
Gjithashtu ajo tha se punimet vijojnë në aeroportin e Kukësit dhe se do të jetë i gatshëm për fluturimet në pranverë. Ndërsa për aeroportin e Vlorës ajo u shpreh se synon zhvillimin e turizmit.
“Tuneli i Llogarasë dhe hidrocentrali i Skavicës janë futur në një proces pa kthim pas në ndërtimin e tyre. Janë kollonat kryesore të zhvillimit të infrastrukturës dhe energjisë në Shqipëri. Jemi në hapat final të realizimit të tyre. Edhe përsa i përket transportit ajror është një nga sektorët më të prekur nga koronavirusi. Jemi në finalizimin e garimit për aeroportin ndërkombëtar të Vlorës. Aeroporti i Kukësit do të përfundojë në pranverë. Këto aeroporte po ndërtohen pas një studimi në fushën e aviacionit si një mjet për të zhvilluar këtë industri.
Aeroporti i Tiranës është i vetmi që kemi me problematika të mëdha. Kam pasur fatin ti njoh përpara se të vija në këtë pozicion. I kam kërkuar koncesionarit për të plotësuar kushte brenda kontratës. Me zhvillimet e fundit, shpresojmë që një erë e re. Shpresojmë që aeroporti i Vlorës të bëhet një nga më të mëdhenjt në Shqipëri. Synimi i aeroportit është zhvillimi i turizmit. Plani për aeroportin e Sarandës është plani për mbështetjen e turizmit duke garantuar akses të drejtëpërdrejtë të turistëve në zonën e Sarandës” – tha Balluku.
Qeveria ka anuluar nënshkrimin e kontratës me konsorciumin India Poëer Corporation LTd për ndërtimin e parkun fotovoltaik në vend, pasi kompania fituese nuk ka plotësuar kushtet teknike për 16 muaj, dhe kontrata me këtë konsorcium nuk u nënshkrua asnjëherë.
Kompania në fjalë ka paralajmëruar se çështjen do e dërgoj në arbitrazh dhe do të kërkojë dëmshpërblim. Për këtë çështje ministrja e Infrastrukturës Belinda Balluku shprehet e sigurt që do e fitoj çështejen shteti shqiptar.
“Nuk e di pse duhet të përgjigjem për Akerninë që nuk ekziston. I është dhënë mundësia kompanisë fituese me 59.9 euro për megavat që të përmbushte kushtet kontraktuale. Nuk i kanë përmbushur. Në 18 shtator 2018 pranuam një kërkesë për shtyrje afati. Pas 16 muajsh, kompania nuk arriti të krijojë as atë që i është kërkuar. Ne nuk mund të firmosim kontrata që nuk përmbushin kushtet kontraktuale. Ne presim që ata të kuptojnë se kjo qeveri nuk ka asnjë ndryshim nga vendet e tjera europiane. Arbitrazhi është pjesë e çdo kontrate komerciale në gjithë botën. Nuk është frikë arbitrazhi. Nuk do i lejojmë asnjë kompanie që të vijë të tallet në Shqipëri. E mirëpresim jam i sigurt që do ta fitojmë” – tha Balluku.
Lidhur me rafinerinë e Ballshit, Ministrja Belinda Balluku deklaroi qeveria shpreson që në fund të muajit shkurt, të marrë zgjidhje kjo çështje. Ajo thotë se qeveria po kërkon një investitor të përgjegjshëm dhe serioz që përmes investimit ta bëjë funksional rafinerinë dhe të prodhojë përfitime.
“Nuk është as e jona e qeverisë rafineria e Ballshit. Është një ndërmarrje e privatizuar prej vitesh. Që nga dita e parë që kam qenë në këtë detyrë më është dashur të bëjë një koordinim jashtë çdo përgjegjësie shtetërore midis rafinerisë vetëm se kryeministri ka qenë sensitiv ndaj këtyre punonjësve. Këtu ku ka ardhur situata ne po mundohemi që krah bankës që është në të vërtetë pronarja legjitime e asaj rafinerie, sepse dhe kompania azere nuk ka performuar mirë përsa i përket pagesave jemi munduar që të lypim për Shqipërinë dhe të trokasim në çdo derë të mundshëm që ajo të kalojë në dorën e një investitori të përgjegjshëm. Ne nuk presim që të vijnë bamirës në Shqipëri, ne presim që të kemi një investitor të përgjegjshëm, me ndjeshmëri ndaj industrisë. Shpresoj që jo më vonë se fundi i muajit shkurt të ketë përfunduar e gjithë procedura ligjore nga ana e bankës dhe nga ata investitorë, njëri prej tyre të marrë atë rafineri për të zgjidhur problemin që kemi atje. Nuk kemi vendimmarrje të natyre tjetër” – tha Balluku.
Ministrja Belinda Balluku gjatë konferencës për shtyp bëri të ditur se tenderi për rrugën Milot-Fier do të rihapet pas 20 janarit të vitit 2021.
“Përsa i përket Milot-Fierit, është një proces i nisur, një garë që ka kryer të gjithë kohën e vetë kështu që nuk kemi probleme as me procedurat e reja të kodit zgjedhor përsa i përket hapjes së tenderave. Unë besoj se do të rihapet pas datës 20 janar sipas të gjitha të dhënave nga njësia koncesioneve në Ministrinë e Infrastrukturës dhe Energjisë” – tha Balluku.
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balluku live me Agron Shehajn në Facebook! Deputeti akuza: Hajdute, bën jetë milionereje! I ke të gjithë vartësit në burg (VIDEO)
19 Dhjetor, 13:51 -
Vjosa Osmani e zemëruar me BE pas samitit të Ballkanit Perëndimor
19 Dhjetor, 11:17 -
Debate në Kuvend/ Shehaj akuzon Ballukun: Ka 6 muaj shmang interpelancën, 1,3 mld euro Thumanë-Kashar, skandal! S’ka lekë për pensione, por hedh valle në festat e PS
19 Dhjetor, 10:25 -
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07 -
Hapet gara për ndërtimin e hekurudhës Vorë - Hani i Hotit, Gonzato: Ndihmon lëvizjen ekologjike dhe zhvillon turizmin! Shqipëria po ecën me reformat, BE e mbështet
18 Dhjetor, 10:49 -
Protestoi te ‘Infrastruktura’ se nuk i jepnin fondin e rindërtimit, 62-vjeçares i premtohet zgjidhje pas denoncimit në Report Tv! Natën e kaloi para Ministrisë
18 Dhjetor, 08:50 -
Nuk merr fondin për dëmtimin e shtëpisë nga tërmeti, gruaja në grevë urie para Ministrisë së Infrastrukturës: Balluku të më japë zgjidhje ose të marrë dhuratë vetëflijimin tim
17 Dhjetor, 18:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
Bardhi denoncon zv/kryeministren: Vetëm me firmën e Ballukut ndodhin vjedhje dhe skandale të tilla, çfarë duhet më shumë për të mbajtur përgjegjësi?!
15 Dhjetor, 19:13 -
Berisha: Belindën mos e thërrisni më Lubi Balluku, por Lubi Loti! Si mund të ndahen 13 km rrugë në 14 kontrata?! Në 11 maj PS do pësojë disfatë të thellë
12 Dhjetor, 12:45 -
PD e Vlorës denoncon: Prokuroria të hetojë Belinda Ballukun për skandalin! Korrupsion me dy TEC-e, s’prodhojnë asgjë dhe kanë marrë 73 mln euro në dy vite!
9 Dhjetor, 15:29
