Balotazhi në Turqi, rivali i Erdoganit: Nëse fitoj zgjedhjet, të gjithë refugjatët do t’i dërgoj në shtëpi

Lideri i opozitës turke, Kemal Kilicdaroglu, është zotuar se do t’i kthejë nëpër vendet e tyre miliona migrantë, në rast se fiton në balotazhin e 28 majit, në garën me presidentin aktual, Recep Tayyip Erdogan.

Këto janë deklaratat e para të tij, prej mbajtjes së zgjedhjeve më 14 maj, kur janë mbajtur zgjedhjet parlamentare dhe presidenciale.Në rundin e parë, asnjëri kandidat nuk ka arritur të fitojë mbi 50 për qind të votave për pozitën e presidentit.

Megjithatë, performanca e Kilicdaroglut ka qenë më e mira e një kandidati opozitar, përgjatë dy dekadave të fundit.Kilicdaroglu, 74-vjeçar, ka folur të enjten në favor të votuesve të krahut të djathtë.Ai, po ashtu, pritet të takohet edhe me Sinan Oganin – figurë e të djathtës ekstreme, i cili i ka fituar 5.2 për qind të votave, në garën për president.

Ai ka folur me ton më të ashpër, sesa në fazën e parë të fushatës.

“Erdogan, ju nuk i keni mbrojtur kufijtë dhe nderin e shtetit”, ka thënë Kilicdaroglu, ish-shërbyes civil.Ju keni sjellë me qëllim mbi 10 milionë refugjatë në këtë shtet. Sapo të jem në pushtet, do t’i dërgoj të gjithë në shtëpi”.

Ogan ka thënë se ai do të mbështesë vetëm kandidatin që merret me çështjen e migrantëve dhe e lufton “terrorizmin” – referencë në Turqi për militantët kurdë.REL

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Tiranë, arrestohet 40-vjeçari i shpallur në kërkim, Apeli e kishte dënuar me 3 vite burgim për shitje narkotikësh (EMRI)

Tiranë, arrestohet 40-vjeçari i shpallur në kërkim, Apeli e kishte dënuar me 3 vite burgim për shitje narkotikësh (EMRI)