Bamir Topi: Individët autokrat i kanë kthyer partitë në kazerma! Sot shohim si po rrënohet sistemi politik i ndërtuar nga 2 vetë

 

Ish Presidenti Bamir Topi ka folur për Report Tv duke thënë se situata politike aktuale është larg standardit të një vendi normal. Sipas tij, individët autokrat i kanë kthyer partitë në kazerma ndërsa çdo ditë e më shumë shihet rrënimi i sistemit politik.

“Tani jemi në një fazë tjetër kur ditë pas dite shohim rezultatet e rrënimit të një sistemi politik që e ndërtuan 2 vetë. Mos mendoni se do vinte për 1 javë apo 1 vit, një sistem politik që nuk qëndron dot në këmbë. Prodhimi i këtij sistemi politik ka sjellë individë autokrat qoftë në mazhorancë e opozitë, i ka kthyer partitë në kazerma politike.

LEXO EDHE:
Sali Berisha thyen sërish masën e 'arrestit shtëpiak', pret në banesë ish-kryeministrin turk, Ahmet Davutoglu

Jemi në një situatë ku defekti i parë është sistemi politik që prodhon një demokraci që është shumë larg standardit të një vendi normal. Gjithçka vjen në një lloj qarkullimi të brendshëm që e pëson shoqëria. Këto janë analiza që vijnë si rezultat i një gjendje që i shikon kudo. Tensioni s’vjen vetëm prej gjendjes që njeriu që e ka në mënyrë personale, por kaos kolektiv.

Nuk është individi i ri që ka dalë me ide të reja, por një gjeneratë e reduktuar dhe këtu presim shpresë se si situata e kalcifikuar e mendjeve të kalcifikuara që duhet të ishin larguar prej kohësh, presin zgjedhje të reja për Shqipërinë. Jo kjo nuk ndodh”, tha Topi.

Lajmi kryesor:

'Lufta' brenda PD, Topi në Report Tv: Berisha ka klonuar edhe 100 të tjerë si vetja! Sheh sot të rinj të diplomuar që flasin si ai, ku është shpresa?

/r.k./Shqiptarja.com

TAG:
• kontrast
• bamir topi
• sali berisha
• Lufta brenda PD