TIRANE - Qindra familje janë në pritje për të marrë banesat sociale që janë ndërtuar në Shkozë.

Disa prej tyre kanë protestuar perpara ambienteve të Bashkisë së Tiranës.

Protestuesit kanë kërkuar që të mblidhet edhe njëherë Këshilli Bashkiak në mënyrë që tu japë atyre banesat pasi ata i kanë përfituar ato pas përmbushjes së të gjitha kritereve.

​Pas protestës së qytetarëve ka reaguar në Facebook edhe nënkryetari i bashkisë Enno Bozdo duke thënë se këto familje mbahen peng për shkak të luftës politike të Edi Ramës.

Në mbledhjen e fundit të këshillit bashkiak është miratuar lista me 177 përfituesit e banesave sociale nga 385 apartamente të disponueshme që janë gjithsej në Shkozë.

Redaksia online
(f.m/shqiptarja.com)