Banka e Shqipërisë, dollari
në nivele rekord ndaj lekut

Monedha vendase e ka nisur këtë vit duke u zhvlerësuar në nivele rekord të 11 viteve ndaj dollarit, ndërsa është forcuar ndaj euros. Sipas kursit zyrtar të Bankës së Shqipërisë, një dollar u këmbye dje me 117.22 lekë, gati dy lekë më shumë se në fund të 2014-s.

Euro ndërkohë u këmbye me 139.93 lekë. Në bursat ndërkombëtare, euro dje kaloi në nivelin më të ulët në nëntë vitet e fundit, kryesisht si pasojë e frikës së Greqia mund të shkëputet nga eurozona.

Sipas specialistëve, rritja e lartë e dollarit në tregun e brendshëm lidhet me faktin që euro nuk po zhvlerësohet me të njëjtat ritme si në bursat ndërkombëtare, për shkak të kërkesës së lartë për monedhën e përbashkët.

Shkrimi u botua në numrin e sotëm (7 Janar 2015) të gazetës "Shqiptarja.com", versioni print 

Redaksia Online
(Shqiptarja.com)