POP 5

Lajmet më të lexuara të 5 minutave të fundit

Ekonomi

Banka e Shqipërisë: Inflacioni
në dhjetor u rrit në 1.9%

Ministria e Ekonomisë si dhe Drejtoria e Përgjithshme e Tatimeve do të ngrenë një task-forcë për kontrollin e çmimeve abuzive në treg, që erdhën pas hyrjes në fuqi të paketës së re fiskale me 1 janar 2014.
Banka e Shqipërisë: Inflacioni<br />në dhjetor u rrit në 1.9%
TIRANE-Pas 6 muajsh stabilitet, gjatë muajit të fundit të vitit 2013, pra në dhjetor, inflacioni u rrit për herë të parë. Sipas Institutit të Statistikave, inflacioni vjetor u rrit në 1.9%, nga 1% që ishte në Nëntor.

Faktori kryesor i ndryshimit ishte rikthimi i rritjes së çmimeve në grupin “Ushqime dhe pije joalkoolike”. Inflacioni i këtij grupi në Dhjetor u rrit në 3.5%, nga 2.1% që ishte një muaj më parë. Produktet ushqimore vazhdojnë të japin ndikimin kryesor në inflacion.

Nga 1.9% që ishte inflacioni total për Dhjetorin, rreth 1.4% erdhi nga grupi i ushqimeve, por ndikim në rritje dhanë edhe grupet “Pije alkoolike dhe duhani”, si edhe “Qira, lëndë djegëse, energji” që gjithashtu u shtrenjtuan. Rritja e inflacionit në muajin Dhjetor është bërë një dukuri e zakonshme, kjo e ndikuar nga kërkesa më të lartë konsumatore se zakonisht që lidhet me festat e fundvitit.

Megjithatë, inflacioni ngelet i ulët, në linjë me ecurinë vjetore të 2013-s dhe veçanërisht të gjysmës së dytë. Banka e Shqipërisë vlerëson se kjo i detyrohet dobësimit të aktivitetit ekonomik dhe rënies së kërkesës së brendshme. Banka e Shqipërisë parashikon një inflacion të ulët edhe gjatë vitit 2014, midis intervalit 0.4 deri në 3.1%.
 
Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04