POP 5

Lajmet më të lexuara të 5 minutave të fundit

Ekonomi

Banka e Shqipërisë: Ekonomia po ringrihet, të vijojnë masat mbështetëse! Rikuperimi total, pas mbylljes së pandemisë

Banka e Shqipërisë vlerëson se ekonomia e vendit po rikuperohet më shpejt nga sa u parashikua në fillim. Në raportin e politikës monetare ekspertët kanë sugjeruar që masat lehtësuese të vijojnë pasi edhe pse ka përmirësim, përsëri vijimi i pandemisë është rrezik për ekonominë.

Ekonomia e vendit po shkon drejt rikuperimit më shpejt sesa ishte parashikuar thotë Banka e Shqipërisë në raportin e politikës monetare. Sipas vlerësimit të ekspertëve të bankës qendrore ekonomia e vendit po tregon një rezistencë të fortë përballë goditjeve që ka marrë nga pandemia dhe nga tërmeti.

“Rimëkëmbja ekonomike në Shqipëri po vazhdon me ritme më të larta sesa pritej, duke treguar për një rezistencë më të larë të ekonomisë sonë ndaj goditjes dhe një reagim më të mirë ndaj masave stimuluese. Të dhëna indirekte flasin për vijimin e rikuperimit të aktivitetit ekonomik në tremujorin e parë të vitit 2021”, thuhet në raportin e Bankës së Shqipërisë.

Por përpos pritshmërive dhe gjendjes aktuale të qëndrueshme banka thotë se normalizimi i plotë i ekonomisë do të garantohet vetëm në përfundimin e pandemisë COVID-19, pasi rreziqet e mungesës së konsumit, apo të investimeve vijojnë të jenë prezente. Nga ana tjetër banka vlerëson se rikuperimi do të jetë gradual këto 3 vite.

“Rritja ekonomike pritet të jetë me bazë të gjerë, e mbështetur nga rritja e konsumit, investimeve dhe eksporteve. Ajo do të shoqërohet, në njëra anë, me rritjen e shitjeve dhe të ardhurave të sektorëve të ekonomisë dhe me shëndoshjen e financave të tyre dhe, në anën tjetër, me rritje të punësimit dhe të pagave”, vijon më tej raporti.

Ndërkohë sa i takon inflacionit vlerësohet se këtë vit do të luhatet në nivelin e 1.5%, shumë poshtë objektivit të bankës por pritet që vitin e ardhshëm të rritet në 3%, aq sa ky institucion synon. Po ashtu ekspertët sugjerojnë që politika monetare duhet të vazhdojë të jetë stimuluese, për ti dhënë një mbështetje më të fortë ri-ngritjes së bizneseve dhe ekonomisë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46