POP 5

Lajmet më të lexuara të 5 minutave të fundit

Ekonomi

Banka më e madhe në Evropë HSBC
1.9 mld $ gjobë, kalonte para droge

Nga raporti i një hetimi një vjeçar nga një organ kongresual që mbikqyr parregullësitë financiare, thuhet se përmes kësaj banke kanë kaluar shuma të mëdha parash të grumbulluara nga kartelat meksikane të drogës.
Banka më e madhe në Evropë HSBC<br />1.9 mld $ gjobë, kalonte para droge
Banka HSBC, më e madhja në Evropë ka konfirmuar se do t’i paguajë një gjobë prej 1.9 miliardë dollarë autoriteteve amerikanë.

Nga raporti i një hetimi një vjeçar nga Nënkomiteti i Përhershëm Hetimor i Senatit, një organ kongresual që mbikqyr parregullësitë financiare, thuhet se përmes kësaj banke kanë kaluar shuma të mëdha parash të grumbulluara nga kartelat meksikane të drogës.

Gjithashtu në raport citohet se banka kishte bërë biznes me firma të lidhura me terrorizmin dhe kishte anashkaluar sanksionet financiare amerikane ndaj disa shteteve.

Nga hetimi u zbulua se si kontrollet e dobëta në këtë bankë e kanë bërë atë të cënueshme për pastrimin e parave nga e gjithë bota.

Në këtë hetim u përfshi kontrolli i 1.5 milion dokumenteve dhe u morën në pyetje rreth 70 zyrtarë të lartë të bankës që kanë dëshmuar para Gjykatës Amerikane.

Në një deklaratë zyrtare, drejtori ekzekutiv i HSBC-së Stuart Gulliver pranoi se banka kishte shumë pak kontroll ndaj pastrimit të parave dhe se do të mbajë përgjegjësi për veprimet e gabuara të bëra prej saj.

Muajin e kaluar, Banka me qendër në Britaninë e Madhe njoftoi se kishte vënë mënjanë rreth 1.5 miliardë dollarë, për të mbuluar shpenzimet e ndonjë gjobe të mundshme.

(lc/Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54