POP 5

Lajmet më të lexuara të 5 minutave të fundit

Ekonomi

Bankat, bllokohet kredia
paratë - Qeverisë

Kredia për ekonominë ka ngecur pothuajse në vend dhe kjo është refleksuar dhe në aktivet e sistemit bankar. Zëri “Veprime me klientët”, që përfshin investimet në huadhënia, është rritur vetëm me 0.1% në fund të 6-mujorit.
Bankat, bllokohet kredia<br />paratë - Qeverisë
TIRANE - Kredia për ekonominë ka ngecur pothuajse në vend dhe kjo është refleksuar dhe në aktivet e sistemit bankar. Zëri “Veprime me klientët”, që përfshin investimet në huadhënia, është rritur vetëm me 0.1% në fund të 6 mujorit, në raport me fundin e 2012-s, duke arritur në 574 miliardë lekë. Brenda këtij zëri, “Huaja për sektorin privat dhe individët” ka rënë me 0.5%, apo 20 milionë euro për të njëjtat periudha, ku tkurrjen më të madhe e kë shënuar huaja afatmesme.

Zëri i vetëm që ka ndikuar në rritjet e aktiveve është ai i “Veprimeve me letrat me vlerë”, i cili është rritur me 12.3%, apo rreth 230 milionë euro, për të arritur në 288 miliardë lekë. Në mungesë të dhënies së kredive, bankat po i  investojnë paratë e lira të depozituesve në blerjen e letrave me vlerë. Kërkesa e lartë për to ka sjellë dhe rënien e vazhdueshme të yield-it të bonove të thesarit, që ka zbritur në 5.11% në ankandin e fundit, për bonot me maturim 12 mujor.

Rritja e investimeve në letrat me vlerë ka qenë e fortë sidomos në tre tremujorët e fundit, në kontrast me stanjacionin e kreditimit.

Totali i aktiveve të sistemit bankar arriti në 1.2 trilionë lekë në fund të gjshtëmujorit të parë të vitit 2013, duke shënuar një rritje prej 1.4% në raport me fundin e 2012-s. Të dhënat u bënë të ditur nga statistikat tremujore të Bankës së Shqipërisë. Ritmet e rritjes së aktiveve janë ngadalësuar në raport me periushat përkatëse të vitit të kaluar, kur norma e zgjerimit ishte 3.3%.

Me bazë vjetore (T II 2013/T II 2012) aktivet e sistemit bankar janë rritur me 3.9%, një tendencë e kënaqshme kjo, duke pasur parasysh që aktiviteti i sistemit bankar pothuajse ka ngacur, me kreditë e reja që janë në minimum dhe rritmet e rritjes së depozitave që janë ngadalësuar ndjeshëm.

Ky shkrim u botua sot në Shqiptarja.com, versioni print, dt.06.08.2013
Redaksia online
(ar.sh/shqiptarja.com)

 

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Grupi i deputetëve italianë përfundon vizitën në Shqipëri: Krah jush drejt BE-së! Përfshihuni në debatet brenda unionit

Grupi i deputetëve italianë përfundon vizitën në Shqipëri: Krah jush drejt BE-së! Përfshihuni në debatet brenda unionit

27 Nëntor, 17:40 nga Arlind Isa