POP 5

Lajmet më të lexuara të 5 minutave të fundit

Ekonomi

Bankat në ndihmë të qeverisë, rritet
me 4% investimi në bono thesari

Bankat në Shqipëri po heqin dorë gradualisht nga financimi i biznesit privat, duke shtuar shumat që investojnë në letra me vlerë të qeverisë. Shumat e fundit shënojnë rritje si tremujor i parë 2013, ndërkohë që huaja për ekonominë ka rritje gati zero.
Bankat në ndihmë të qeverisë, rritet<br />me 4% investimi në bono thesari
TIRANE - Pjesa më e madhe e bankave të nivelit të dytë në vend e kanë nisur vitin 2013 duke reduktuar, apo duke mbajtur të pandryshuara, portofolet e tyre të kredisë, sipas të dhënave të detajuara për tremujorin e parë 2013, që janë publikuar nga Shoqata e Bankave.

Intesa San Paolo ka qenë banka që ka luajtur rolin më të madh në kreditimin e ekonomisë në tre muajt e parë të vitit, duke e zgjeruar portofolin e huasë me 5.7%, apo 2.7 miliardë lekë, gjithnjë në raport me fundin e 2012-s.

Tendencën pozitive në kreditim po vazhdon ta ruajë prej disa tremujorësh radhazi edhe Societe Generale, që ka rritur stokun e huasë me 3.2%, apo 1 miliard lekë, në raport me fundin e 2012-s. Edhe bankat e tjera më të vogla si Veneto Bank kanë kontribuar pozitivisht, por me ritme më të ulëta.

Në total, kredia ndaj ekonomisë u rrit me vetëm 0.1% në tremujorin e parë 2013, në raport me fundin e 2012-s. Edhe gjatë vitit të kaluar, huaja për ekonominë u rrit me vetëm 2% me bazë vjetore, ritmet më të ulëta të dekadës së fundit.
Ndërkohë, bankat nuk e kanë lënë pas dore qeverinë, duke qenë mjaft aktive në blerjen e letrave me vlerë.

Investimet në letrat me vlerë të qeverisë nga bankat u rritën me 4% në fund të marsit 2013 (apo 14 miliardë lekë), në raport me dhjetorin 2012, ndryshe nga kredia për ekonominë, që u rrit me 0.1% (apo rreth 365 milionë lekë) për të njëjtën periudhë.

Sipas të dhënave të detajuara nga Shoqata e Bankave për tremujorin e parë 2013, bankat që kanë ulur apo nuk kanë rritur portofolet e huadhënies i kanë investuar paratë e lira kryesisht në blerjen e letrave me vlerë të qeverisë. Kërkesa e lartë e bankave ka çuar dhe në një ulje të interesave të bonove të thesarit, që në ankandin e javës së kaluar zbritën në nivele minimale historike prej 5.8% (bonot me maturim njëvjeçar).

Tendenca është e ndryshme nga e njëjta periudhë e vitit të kaluar, kur bankat u tërhoqën nga blerja e letrave me vlerë të qeverisë, duke çuar në rritjen e interesave të bonove, pavarësisht politikës monetare lehtësuese të Bankës së Shqipërisë.

Banka që ka rritur më shumë portofolin e letrave me vlerë, me rreth 8% (apo gati 7 miliardë lekë) në raport me fundin e 2012-s, është BKT, që nga ana tjetër, ka kredituar shumë pak ekonominë. Të njëjtën tendencë ka ndjekur edhe Credins, me rritje 24% (1 miliard lekë) të portofolit të investimeve në letrat me vlerë.

Shkrimi u botua sot në gazetën Shqiptarj.com (print) 11.06.2013
 
Redaksia Online
(b.m/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Panik në Ekuador, aeroplani rrëzohet në mes të rrugës! Humbin jetën dy persona, plagoset një tjetër (VIDEO)

Panik në Ekuador, aeroplani rrëzohet në mes të rrugës! Humbin jetën dy persona, plagoset një tjetër (VIDEO)

27 Nëntor, 08:19