POP 5

Lajmet më të lexuara të 5 minutave të fundit

Ekonomi

Bankat, skeptike lidhur me
paketën e masave të Fullanit

Paketa e masave e miratuar së fundi nga bordi i bankës qendrore nuk ka hasur në miratim deri tani nga bankat e nivelit të dytë. Këto masa synojnë nxitjen e kreditimit nga ana e bankave.
Bankat, skeptike lidhur me<br />paketën e masave të Fullanit
TIRANE - Paketa e masave e miratuar së fundi nga bordi i bankës qendrore nuk ka hasur në miratim deri tani nga bankat e nivelit të dytë. Këto masa synojnë nxitjen e kreditimit nga ana e bankave.

Sipas specialistëve të sektorit bankar, detyrimi i operatorëve tregtarë të rritin likuiditetin që qarkullon në vend, në mënyrë që kjo pjesë e parave të rritë kreditimin, do të shtonte numrin e kredive, por në të njëjtën kohë do të rrisë edhe huatë e këqija, të cilat në këto momente kanë kapur shifrën 23%.

Nga ana tjetër, për ekspertët e tregut financiar, paketa e masave që ka ndërmarrë Banka e Shqipërisë është e vonuar në kohë. Sipas Adriana Berberit, problemi i kreditimit te ekonomisë ekziston që prej dy vitesh.

Një nga shqetësimet e tjera të bankave është edhe pjesa e ekzekutimit të kolateralit, e cila kërkon ndryshime të mëdha në Kodin Civil. Aktualisht, interesi i biznesit për të marrë një kredi ka rënë ndjeshëm.

Banka e Shqipërisë synon të incentivojë bankat që e rrisin kredinë me të paktën 4%, por kjo është pritur me rezerva nga disa banka, që nuk dëshirojnë që përfitimet të kushtëzohen nga rritja e kredisë.

Shkrimi u botua sot në gazetën Shqiptarja.com (print) 29.03.2013

Redaksi Online
(b.m.shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Mero Baze: 700 cuba që duan t’u imponohen 700 mijë qytetarëve

Mero Baze: 700 cuba që duan t’u imponohen 700 mijë qytetarëve

26 Nëntor, 21:21 nga Mero Baze