POP 5

Lajmet më të lexuara të 5 minutave të fundit

Kronikë

COVID ul lehtë prodhimin e naftës nga Bankers Petroleum Albania, gjatë 2020 u prodhuan 670 mijë ton! Kompania: 2021 më optimist

Prodhimi i naftës në fushën e Patos-Marinzës arriti në rreth 670 mijë ton gjatë vitit të kaluar. Kompania koncesionare e këtij vendburimi Bankers Petroleum Albania konfirmon se gjatë vitit 2020 prodhimi shënoi një rënie të lehtë kundrejt vitit 2019 si pasojë e pandemisë e cila reduktoi konsumin dhe uli ndjeshëm çmimin e naftës në tregjet ndërkombëtare.

Prodhimi i naftës në fushën e Patos-Marinzës arriti në rreth 670 mijë ton gjatë vitit të kaluar.

Kompania koncesionare e këtij vendburimi Bankers Petroleum Albania konfirmon se gjatë vitit 2020 prodhimi shënoi një rënie të lehtë kundrejt vitit 2019 si pasojë e pandemisë e cila reduktoi konsumin dhe uli ndjeshëm çmimin e naftës në tregjet ndërkombëtare.

Bankers është kompania më e madhe e prodhimit të naftës, e cila zë rreth 90% të totalit në këtë treg dhe zë një peshë të rëndësishme në eksportet shqiptare.

Burimet zyrtare të Bankers konfirmojnë se investimet arritën në mbi 100 Milionë dollarë në fund të vitit ndërkohë që pagesat për rentën minerare mbi 18 Milionë dollarë. Renta e paguar në Bankers dominon buxhetin e doganave pasi zë rreth 75% të totalit të rentës së paguar në Shqipëri.

“Viti 2020 ka qenë padyshim një nga periudhat më sfiduese për kompanitë e naftës. Çmimet e naftës shënuan minimumin historik të 20 viteve të fundit por ne gjithsesi vijuam të jemi të fokusuar në zhvillimin e këtij aseti, ruajtjen e një mjedisi të sigurtë për të gjithë punonjësit tanë si dhe vijuam angazhimin tonë në komunitetet ku ne operojmë”, konfirmojnë burimet zyrtare të Bankers.

Ndërkohë për vitin 2021, planet duken më optimiste si pasojë e përmirësimit të situatës së tregjeve ndërkombëtare, ku çmimet e naftës kanë kaluar tashmë në mbi 65 dollarë për fuçi. Nëse çmimi do të vijojë të rritet dhe të ketë qëndrueshmëri, Bankers planifikon të rinisë shpimet për puse të reja të naftës çka do të ndikojë në përmirësimin e prodhimit të naftës.  

Përgjatë këtij viti do të vijojnë investimet në rritjen e eficencën së operacioneve. Një nga investimet më të rëndësishme është përfundimi I tubacioneve të naftës përgjatë gjithë Patos-Marinzës çka mundëson jo vetëm uljen e kostove por edhe reduktimin e impaktit në mjedis.

“Projekte të tjera të rëndësishme që të vijojnë këtë vit është modernizimi I rrjetit energjitik dhe shtimii  njësive trajtuese të naftës, një proces ky I rëndësishëm në operacionet hidrokarbure”. 

Rezultatet nga 2004 në 2020

12 milion ton- naftë bruto e prodhuar

591 milion dollarë- rentë minerare e paguar

18 milion dollarë- taksat lokale të paguara

3.6 miliardë dollarë- shpenzime të kryera 

J.GJ./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24