POP 5

Lajmet më të lexuara të 5 minutave të fundit

Kronikë

Banoret e Blinishtit çdo ditë 6 orë pa drita, OSSHE: Shkak defekti në fiderin elektrik (VIDEO)

4 mijë banorë të Blinishtit në Lezhë, i duhet t’i kalojnë ditët e nxehta të korrikut me vështirësitë e mungesës së energjisë elektrike. 5-6 orë të çdo ditë janë pa drita, ndërsa banorët dyshojnë se energjia u hiqet, për të furnizuar zonën bregdetare të Shëngjinit. Vetë OSHEE thotë se ka defekt në rrjet, duke premtuar se do të rregullohet.

Ndërprerja e energjisë elektrike është bërë e vazhdueshme për banorët e Blinishtit në Lezhë.

Në ditët e nxehta të korrikut, mungesa e dritave po krijon vështirësi edhe për bizneset, pasi në zonë ka disa sipërmarrje agroturizmi.

"Nga ora 11:00 deri në 16:00 janë të fikura dritatdhe nuk do me e ditur kush. Kjo zonë ka qenë më e vdekura për energji. Ne na thonë se ka defekt, por në rrugë shoqërore kemi mësuar se na i heqin ne për t'ia çuar zonës së bregdetit, Shëngjinit,"-u shpreh një banor i Blinishit në Lezhë.

Ata thonë se janë pagues të rregullt të faturave të energjisë por shqetësimi i tyre nuk është përfillur nga Operatori i Shpërndarjes së Energjisë.

"Po të mos paguash dritat një muaj të arrestojnë, ndërsa ne s'na përgjigjet njeri. Kam marr drejtorin dhe kryetarin bashkisë,"- tha një tjetër banor i zonës.

E kontaktuar nga Report Tv, Njësia e OSHEE në Lezhë tha se ndërprerjet e shpeshta të energjisë në këtë zonë kanë ardhur si shkak i defekteve të fiderin elektrik, ndërsa po punohet për riparimin e tij.

Në lidhje me kronikën, OSHEE Group sqaron për “Report TV”, se banorët furnizohen nga fideri Kallmet 10kV, me gjatësi mbi 70 km, dhe se gjatë fundjavës, kur vendi u përball me mot të keq, linja pësoi defekt.

“Është e vërtetë për mungesën e energjisë, por vetëm në fundjavë, kur kishim mot të keq, reshje të dendura shiu, erë e fortë dhe stuhi, shoqëruar me shkarkesa atmosferike. Në kushtet e një fideri të amortizuar, me gjatësi 78 km, që përshkon territore të vështira, riparimi i defektit kërkon kohë. Megjithatë, mirëmbajtja e linjës është kryer disa herë në pika kritike të saj”, sqaron OSHEE, duke shtuar se veç defektit të rastit, energjia shkëputet edhe si pasojë e remonteve që kryen OST apo Drejtoria e Tensionit të Lartë, për të cilat bëhen njoftime.

Ne.k.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58