Rruga që të çon drejt Dukagjinit është pa asfalt në një terren të thepisur malor çka jo vetëm vështirëson lëvizjen por rrezikon jetën e banorë. Me moton “pa na bërë rrugën nuk dalim në votime”, me dhjetëra banorë protestuan para Bashkisë dhe Prefekturës së Shkodrës.
Ata kërkojnë asfaltimin e rrugës që lidh Shkodrën me njësitë vendore Pult, Shosh dhe Shalë.
“Të merren masat e nevojshme për ndërtimin dhe asfaltimin segmentit rrugor që lidhe Njësitë Administrative te Pultit, Shoshit, Shalës, duke filluar nga fshati Prekal, në përputhje me normat e miratuara nga Autoriteti Rrugor Shqiptar.Te filloje mirëmbajtja e rrugës ekzistuese derisa të nisin punimet për Rrugën e Re. Të informohemi mbi te vërtetën rreth projektit, nëse ka pasur një të tillë në 30 vitet e fundit, fondin si dhe te dhena teknike dhe inxhinierike qe lidhen me Rrugën e Dukagjinit, bazuar ne ligjin nr.119 për të Drejtën e Informimit”, thanë banorët.
Reagimet erdhën menjëherë si nga bashkia e drejtuar nga të djathtët ashtu dhe nga socialistët.
"Kërkova këtë takim me ju në lidhje me protestën paqësore të zhvilluar sot për aksin në fjalë. Bashkia Shkodër ka vite, e ka në fokus e vëmendje investimin në këtë aks rrugor. E ka trajtuar jo si një prioritet të zakonshëm por si emergjencë investimin, duke marrë dhe masat përkatëse.”- tha nënkryetari i bashkisë Shkodër, Tonin Dedaj.
Ndërsa deputeti socialist Benet Beci, njëherësh kandidat për bashkinë e Shkodrës tha se rruga ka kosto financiare të konsiderueshme ndaj po shihet mundësia për të investuar me financim të qeverisë dhe donatorëve të huaj.
Nen kryetari i bashkisë Shkodër Tonin Dedaj ka reaguar për protestën e banorëve të Dukagjinit. Ai është shprehur se bashkia Shkodër është gati të japë kontributin e saj për rrugën në fjalë.
"Kërkova këtë takim me ju në lidhje me protestën paqësore të zhvilluar sot për aksin në fjalë. Bashkia Shkodër ka vite, e ka në fokus e vëmendje investimin në këtë aks rrugor. E ka trajtuar jo si një prioritet të zakonshëm por si emergjencë investimin, duke marrë dhe masat përkatëse.”- tha nënkryetari i bashkisë Shkodër, Tonin Dedaj.
Deputeti i PS-së, Benet Beci ka shprehur mbështetjen e tij për protestën e mbajtur nga banorët e Dukagjinit për rrugën që i lidh me Shkodrën. Ai shkruan në një postim në Facebook, se është në mbështetje të protestuesve dhe se shumë shpejt do të ketë lajme të mira për ta.
“Sot në Shkodër pati një protestë me pjesëmarrje të madhe të banorëve e ish-banorëve të zonës së Dukagjinit para bashkisë e prefekturës, për rrugën e Dukagjinit. Dua të përshëndes të gjithë organizatorët dhe pjesëmarrësit për pjesëmarrjen e madhe dhe qytetarinë nga a cila u karakterizua e gjithë protesta.
Jam plotësisht solidar me ta në kërkesën për ndërtimin e rrugës. Përgjatë viteve e kam përshkuar disa herë atë rrugë dhe duke patur përvojën e thuajse të gjitha rrugëve rurale të Shqipërisë besoj se është ndoshta më e vështira dhe më e rrezikshmja në vend.
Jam shumë i ndërgjegjshëm që mungesa e rrugës thellon problemet sociale dhe ekononomike të një zone të varfër dhe nxit edhe më tej braktisjen e zonës. Përtej rëndësisë sociale dhe ekonomike, rruga është aksesi i vetëm i një zone shumë të gjerë me tradita të jashtëzakonshme e më një komunitet që është fort i lidhur me zonën e vet.
Gjatë këtyre viteve është punuar për të përfunduar lidhjen rrugore Qafë Thore-Theth; po punohet për segmentin e rrugës Theth-Ndërlysaj dhe ka përfunduar plotësisht projekti i detajuar teknik nga Prekali në Ndërlysaj së bashku më një degëzim të rëndësishëm që lidh me Lekbibajn dhe zonën e Gjakovës në Kosovë.
Kjo lidhje do të krijojë një unazë përfundimtare të Alpeve dhe do të jetë një mundësi për rivitalizimin ekonomik në zonë. Sigurisht duke qenë një rrugë shumë e gjatë, e vështirë dhe malore, ka një kosto financiare të konsiderueshme të investimit. Jemi duke parë të gjitha mundësitë për financimin e rrugës me Qeverinë Shqiptare dhe donatorë të huaj. Shpresoj që së shpejti do të kemi lajme të mira; kjo protestë sot vetëm më motivon shumë më tepër që rrugën të mund ta bëjmë realitet.”- shkruan Beci.
Komente
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Atentati në Shkodër/ Zbardhet dëshmia e policëve: S’e njohëm personin e 3 nëse ishte Ibrahim Lici! Gjykata i liron nga qelia, pezullohen nga detyra
22 Nëntor, 13:11 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
VIDEOLAJM/ ‘Ik, zhduku’, kush i provokoi nga brenda Ministrisë së Arsimit qytetarët që po protestonin për vrasjen e Martin Canit
21 Nëntor, 16:36 -
Qyteti i Pukës mbetet pa spital, era e fortë rrëzon çatinë! Rrëshqitje dherash në Fushë-Arrëz, tre banesa rrezikojnë të shemben
21 Nëntor, 16:33 -
Studimi në Shkodër: Afro 20 për qind e nxënësve bullizohen në shkollë! Shqetësim dhe mungesa e oficerëve të sigurisë
21 Nëntor, 16:16
Nje falenderim nga zemra per gjithe pjesmarresit ne protesten paqesore, te drejte, ekonomike, te pa politizuar te Dukagjinasve te mi.Eshte e drejta me legjitime rruga, spitali, shkolla dhe energjia elektrike dhe ujesjellesi. Nqs behet ajo rruge me mijera do jene turistet qe do vijne e do zhvillohet ekonomia e Dukagjinit.Dukagjini dhe sot e kesaj dite i pret turistet si mik ne shtepi, jo si turist. Zoti e bekofte Dukagjinin dhe Dukagjinasit e mi.Besa,Burreria, Bujaria jane virtytet e Duakgjinit.
Përgjigju