Një problem i mbartur prej 30 vitesh dhe ende i pazgjidhur. Banorët e Kukësit të vjetër kanë kërkuar shpronësim dhe kompensim të pronave të tyre, që u përmbytën më ndërtimin e hidrocentralit të Fierëz në 1978. Kreu i Shoqatës së Familjeve të Tokave të Përmbytura, Sherif Kastrati tha se banorët do të nisin protestat dhe se çështjen e tyre do e çojnë deri në Gjykatën e Strasburgut dhe te ambasada e SHBA dhe ajo Gjermane nëse nuk marrin zgjidhje nga autoritet lokale dhe qendrore.
'Tani do presim për një zgjidhje që të shkojmë në rrugë institucionale, të ulemi rrafsh, t'i ndajmë dhe problemet. Nëse dikush ka marrë pronë jo të vetën dhe nëse dikush ka tokën e vetë shteti duhet ta kompensojë e t'i japë lekët. Se ne do të bëjmë diçka nuk do rrimë kështu, edhe në Gjykatën e Strasburgut do e çojmë, dhe te ambasada e SHBA dhe te ajo Gjermane, do kërkojmë azil për 500 banorë se këtu nuk kemi çfarë të bëjmë', tha Kastrati.
Ndërkohë, Prefekti i Qarkut Zenel Kuçana thotë se ka kërkuar dokumentacionin ligjor që vërtetojnë pronën e gjithsecilit prej banorëve të prekur, por deri me sot ky dokumentacion nuk i është vënë në dispozicion.
'Unë jam takuar me përfaqësues të kësaj shoqate dhe për problemet që ata kanë unë jam sqaruar me ta, kam kërkuar dokumentacionin ligjor që vërtetojnë pronën e gjithsecilit dhe t'i bëj kërkesë qeverisë për ta kompensuar. Por deri më tani nuk më kanë sjellë asnjë dokument. Për protesta ne jemi shtet demokratik, nuk ka asnjë lloj problemi', tha Kuçana.
Edhe pse që nga 1994, 2000 dhe 2008 kanë dalë tre VKM, për kompensim të tokave të përmbytura, deri më sot janë shpronësuar dhe kompensuar vetëm 15 % e banorëve të prekur. Ndërtimi i hidrocentralit të Fierzës në vitin 1978 përmbyti Kukësin e vjetër dhe 36 fshatra të rretheve Kukës, Has, Tropojë dhe Pukë.
Lajme të tjera
-
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Protestat e dhunshme në Itali, plagosen 15 policë, reagon Meloni: E papranueshme
15 Nëntor, 17:11 -
Pensionistët dhe Lëvizja Bashkë protestë te Kryeministria: Hiqni dorë nga korrupsioni, që të na rritet pensioni!
12 Nëntor, 12:23 -
Presidentja e Gjeorgjisë nuk e njeh rezultatin zgjedhor, bën thirrje për protesta
28 Tetor, 08:09 -
Rënie drastike e ujit në liqenin e Fierzës, baseni po lë bregun dhe po tkurret rreth kupolës! Asnjë turbinë nuk është në punë për prodhimin e energjisë elektrike
26 Tetor, 14:16
-
Mblidhen ministrat e G7 në Napoli, protestuesit sfidojnë zonën e kuqe dhe përleshen me policinë! Hidhet gaz lotsjellës dhe goditet me shkopinj gome
19 Tetor, 19:14 -
PERSONAZH/ 75-vjeç, Ndue Cara bën 92 kilometra për të shërbyer në malet rreth Fierzës! Mjeku thirrje të rinjve: Mos braktisni të sëmurët në fshatra!
19 Tetor, 14:26 -
VIDEOLAJM/ Vrasja e dy vëllezërve në Roskovec, protesta e grave me të zeza para Apelit të Tiranës! Kërkojnë dënimin maksimal për autorët!
15 Tetor, 09:48 -
"Kryetarët e bashkive vijnë marrin votat e zhduken!" Banorët protestojnë për rrugët në Kukës e Lushnje: Kemi njerëz të sëmurë, nuk hyn ambulanca
11 Tetor, 14:21
-
VIDEO/ Minatorët protestojnë para Parlamentit, kërkojnë miratimin e Statusit
12 Shtator, 10:18 -
Francë/ Qytetarët protestojnë ndaj emërimit të kryeministrit të ri
7 Shtator, 18:57 -
Protesta e opozitës para Bashkisë! Iku gushti e pushimet por sërish janë një grusht! Sjellin thasë me plehra para godinës
6 Shtator, 11:47
