Kryebashkiaku i Tiranës, Erion Veliaj shtrëngoi duart sot me një përfaqësi të zgjeruar të banorëve të zonës së Astirit, të cilët preken nga projekti i Unazës së Madhe. Mes banorëve që morën pjesë në takimin që u zhvillua në sallën e Këshillit Bashkiak, ishte edhe Ukë Idrizi Çelkolaj nga Tropoja, i cili vlerësoi kryebashkiakun Veliaj për gatishmërinë e tij për t’u ulur për bisedime për banorët.
Teksa mori fjalën, ai u bëri thirrje banorëve të tjerë të zonës së Astirit që të ulen të bisedojnë dhe të mos djegin goma e të bllokojnë rrugën sepse nuk është ajo zgjidhja e problemit të tyre.
“Nëse rrimë në dy llogore, ne aty që rrimë e protestojmë dhe shajmë këta, nuk zgjidhim kurrgjë, nëse nuk ulemi të qajmë hallin. Para dy ditëve ka qenë hera e parë që kam takuar Erion Veliajn në jetën time. Kam kujtuar se ky është Ufo, dhe njeriu më i keq i mundshëm në Shqipni, por sot takova një zotni. Takova një mik timin, se tek ajo toka kam investimet e gjithë jetës, e kam blerë atë tokën, e kam ndërtu me djersë. Erdha e takova këta, i dëgjova, ia thashë problemin. Më tha këtë tokën që do ta marrim këtu, do ta japim mbrapa. M’u duk sikur ma zgjidhi problemin. Ndaj them të flasim, jo të djegim goma e të bllokojmë rrugën”, u shpreh Çelkolaj.
Banorët e zonës së Astirit po protestojnë në ditën e tyre të 24-t për projektin e zgjerimit të "Unazës së Madhe", me kërkesën për t'u dëmshpërblyer për banesat që do të preken nga ky projekt. Mbrëmë u shembën dy banesa, ndërsa sot dy të tjera në aksin kryesor të këtij segmenti në afërsi të sheshit “Shqiponja”, ndërkohë që, në momentin që IKMT nisi heqjen e shtyllave, situata mes banorëve dhe policisë bashkiake u tensionua.
Në të shumtën e rasteve, protestat kanë agravuar në tension dhe dhunë, duke sjellë edhe plagosjen e efektivëve apo qytetarëve të thjeshtë. Ato janë zhvilluar kryesisht në sheshin "Shqiponja", zonën e "Astirit", "Unazës së Re", përpara Bashkisë së Tiranës dhe përpara Kuvendit. Protesta e zhvilluar përpara Kuvendit u cilësua si protesta më e dhunshme në vargun e gjatë të tyre, pasi ngelën të plagosur 15 efektivë dhe 3 qytetarë.
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00 -
Veliaj vizitë dy ditore në Aleksandri: Tirana, simboli i bashkëjetesës Mesdhetare të Kulturës dhe Dialogut
8 Nëntor, 18:50 -
Më 28 nëntor mbahet në Tiranë parada kuqezi, Veliaj thirrje shqiptarëve: Eja festojmë në zemër të qytetit me këngët nga çdo trevë shqiptare
6 Nëntor, 16:13 -
Veliaj thirrje qytetarëve: Ta kthejmë nëntorin në një muaj feste, valëvisni flamurin kudo ku ka shqiptarë (VIDEO)
5 Nëntor, 12:12
