Protesta e banorëve të "Unazës së Re" përpara Parlamentit, ka degjeneruar në dhunë. Zv/ drejtori i Rendit, Dhimitraq Ziu, 14 efektivë policie dhe 3 qytetarë janë plagosur, për pasojë të përplasjeve të vazhdueshme të banorëve të 'Unazës së Re' me efektivët e Policisë. Në protestë, e cila zgjati mbi dy orë, morën pjesë rreth 300 persona, midis të cilëve ishin edhe deputetë të Partisë Demokratike e ish-trupoja e ish kryeministrit Sali Berisha, Sali Lushaj. Për pjesëmarrje dhe nxitje të protestës së agravuar përpara Kuvendit, janë arrestuar 25 protestues.
Ndonëse qeveria njoftoi se banesat do të prishen vetëm pasi të dalë vendimi i Këshillit të Ministrave për shpronësimet, banorët e “Unazës së Re” janë shfaqur ende të revoltuar. Sipas gazetarit të Report TV, banorët kanë hedhur shashka e kapsolla, si dhe janë dëgjuar përgjatë gjithë kohës duke thërritur: "Duam shtëpitë tona", ndërkohë që, përkrah tyre është vënë re edhe prania e fëmijëve. Ata janë dëgjuar gjithashtu të shprehen: "Do i mbrojme shtepitë me gjak', 'Erion hajde këtu', 'Edvin hajde këtu". "Pas 'Unazës së Re' e ka radhën Shkoza e Paskuqani. Jemi një, nuk tërhiqemi. Duam shtëpitë tona", ka thënë njëri prej tyre. Ndonëse Policia vendosi si masë sigurie kordone, këto të fundit u shkatërruan nga përplasjet e vazhdueshme.
Ditën e djeshme, kryeministri Edi Rama theksoi se do të dëmshpërblehen vetëm banesat me leje, por banorët kundërshtojnë duke deklaruar se janë në proces legalizimi. Kjo nuk është hera e parë që banorët e 'Unazës së Re' protestojnë përpara një organi të lartë. Më 15 nëntor, ata protestuan edhe para Bashkisë së Tiranës. Duke hedhur tymuese dhe bomba molotov, ata u përplasën edhe me policinë bashkiake, nga ku mbetën të lënduar 7 efektivë. Sot është dita e 18 e protestës së tyre kundër projektit të “Unazës së Re”, që parashikon prishjen e banesave të tyre.
Reagimet e politikës shqiptare për protestën e banorëve Unazës së Re para Parlamentit
Shërbimet e Policisë Tiranë kanë arrestuar në flagrancë 11 shtetas, të cilët kanë qenë pjesëmarrës dhe nxitës të protestës së agravuar përpara Kuvendit.
11 të arrestuarit për veprat penale “Plagosje e rëndë me dashje”, “Organizimi dhe pjesëmarrja në grumbullime dhe në manifestime të paligjshme”, “Prishje e rendit dhe qetësisë publike” si dhe “Goditja për shkak të detyrës” janë:
- Alban Ahmetcenaj, 36 vjeç;
- P. A., 17 vjeç;
- Fluturim Goleci, 30 vjeç;
- Rruzhdi Daci, 53 vjeç;
- Marsel Villari, 28 vjeç;
- Erjona Dozhani, 30 vjeç;
- Lulzim Dozhani, 45 vjeç;
- Dorjan Protoduari, 30 vjeç (i shpallur më parë në kërkim për veprën penale “Organizimi dhe pjesmarrja në grumbullime dhe në manifestime të paligjshme”)
- Ali Nalic, 35 vjeç;
- Amarildo Sinanaj, 30 vjeç;
- Shpati Bilbili, 31 vjeç.
Njëkohësisht vijon puna për identifikimin dhe shoqërimin e personave të tjerë, të cilët gjatë protestës kanë ushtruar dhunë ndaj punonjësve të Policisë, si dhe kanë nxitur protestuesit për veprime të dhunshme.
Përgjatë protestës së agravuar, janë regjistruar edhe raste flagrante ku qytetarët shihen teksa sulmojnë efektivët e policisë. Report Tv ka siguruar pamjet filmike të përplasjeve të vazhdueshme të protestueve të ‘Unazës së Re’ me forcat policore, nën kërkesën për t'u dëmshpërblyer për banesat që do të preken nga projekti i 'Unazës së Re'.
Në fillim të sekuencave filmike shihet konkretisht një qytetar i cili godet mbi kokë një efektiv të policisë, ndërkohë që ky i fundit po arrestonte një nga protestuesit. Përgjatë këtij momenti, dëgjohet mjaft qartë sesi një qytetar tjetër e aprovon veprimin e tij, duke u shprehur banalisht.
Përplasje të ashpra shoqëruan protestën përpara Parlamentit. Banorët e 'Unazës së re" përleshen me policinë. Shashka, shkopinj dhe goditje ndaj uniformave blu. Report Tv sjell pamjet nga momentet e tensionit.
Një grup pune i prokurorisë së Tiranës ka mbërritur në spitalin Ushtarak për të hetuar në lidhje me policët e dëmtuar dhe të goditur. Prokuroria në bashkëpunim me policinë kanë nisur hetimet për ngjarjen.
Një banor i 'Unazës së Re', i cili ka qenë i pranishëm në protestën që u zhvillua sot përpara Kuvendit, është shoqëruar në komisariatin e Policisë nga Spitali i Traumës. I pranishëm për të vizituar të ëmën, 'pre' e përplasjeve të agravuara të protestës, Dorjan Protoduari ka reaguar ndaj forcave policore edhe në ambientet e Spitalit të Traumës.
Kësisoj, forcat policore i kanë vendosur prangat protestuesit, për ta shoqëruar në Polici. Gjatë këtij momenti, deputeti i Partisë Demokratike, Klevis Balliu, tentoi që Protoduari të mos merrej nga efektivët e policisë. Madje, Partia Demokratike e ka publikuar momentin e arrestimit në llogarinë e saj në rrjetin social "Facebook", ku duket edhe casti kur Balliu prek fizikisht një nga efektivët e policisë.
Nga protesta e dhunshme e banorëve të Unazës së Re sot paradite para Kuvendit u lënduan 13 efektivë policie dhe 3 qytetarë. Report Tv mëson se njëra nga efektivet e lënduara, Ina Nuka ka humbur dy gishtat e dorës si pasojë e hedhjes së kapsollave nga protestuesit. Report Tv ka siguruar momentin kur efektivja e policisë humb gishtat.
Momenti kur efektivja lëndohet nga kapsolla duke humbur 2 gishta
E plagosura është dërguar në spitalin e Traumës dhe ndodhet nën kujdesin e mjekëve. Ndërkohë që një polic tjetër ka humbur dëgjimin nga njëri vesh, pasi kapsolla e ka kapur në pjesën e qafës. I plagosur nga protesta mbeti edhe zv/ drejtori i policisë së Tiranës, Dhimitraq Ziu. Të plagosurit u vizituan në spital edhe nga ministri i ri i Brendshëm Sandër Lleshaj.
Deputeti demokrat, Klevis Balliu ka folur nga protesta e agravuar e banorëve të 'Unazës së Re', që po zhvillohet përpara Kuvendit. Ai u shpreh se parlamenti gjendet në të vërtetë midis njerëzve dhe jo brenda Kuvendit. Balliu iu drejtua kryeministrit Edi Rama, duke thënë që të marrë guximin e të dalë për t'iu përgjigjur qytetarëve ndaj projektit që pritet të prekë edhe shtëpitë e tyre.
Këto qytetarë po protestojnë për një përgjigje, për të mbrojtur pronën e tyre. Kjo parti rri vetëm në Kuvend, nuk do as qytetaret e asnjë. Ai parlament përfaqeson sovranin, që sot ndodhet këtu.Ajo sallë është kthyer në sallën e banditëve. Ky është parlamenti, le të vijnë këtu të japin përgjigje, Kërkonin vota i morën, tani le të japin përgjigje. Këta policië, këta uniforma janë të shtetit. Merruni me qytetarët, Rama të merret me tullat e qytetarevë shqiptarë e jo me të atyre banditëve që i ka shokë.
Klevis Balliu, deputet i Partisë Demokratike
Balliu vijoi më tej, duke thënë se qeveria duhet t'i japë një përgjigje banorëve të 'Unazës së Re' pasi ia kërkon ligji e Kushtetuta.
Nga protesta para kuvendit janë plagosur 6 policë, mes tyre edhe një efektive. Report Tv ka siguruar pamjet e momentit kur policja e plagosur largohet me shpejtësi nga kolegët nga tubimi për në spital për të marrë ndihmë. Zv/ drejtori i policisë dhe efektivët e plagosur u qëlluan me shkopinj dhe sende të forta nga protestuesit e Unazës së Re.
Policia e Shtetit deklaron se gjatë protestës që përshkallëzoi në akte dhune ndaj forcave të rendit, përballë godinës së sallave plenare të Kuvendit të Shqipërisë janë plagosur krahas zv.drejtorit të Policisë së Tiranës, 6 efektivë.
Efektivët janë lënduar me mjete të forta dhe piroteknike, ndërsa më pas janë dërguar në spitalin e Traumës për ndihmë të specializuar mjekësore. Një ndër to raportohet se ka dëmtime të rënda në krah.
Policia e Shtetit u bën thirrje protestuesve dhe përfaqësuesve politikë për distancim nga dhuna dhe goditjet ndaj punonjësve të rendit.
Nga tensioni dhe përplasja në protestën para Kuvendit ka shkuar në tre numri i efektivëve të policisë që janë lënduar. Përveç zv/ drejtorit të policisë së Tiranës, Ziu janë lënduar edhe dy efektivë të tjerë nga hedhja e shkopinjve dhe flakadantëve.
Përpos deputetëve të opozitës sot në protestën para Kuvendit në mbështetje të banorëve të Unazës së Re ndodhen edhe simpatizantë të Partisë Demokratike, mes tyre Sali Lushaj, ish-truproja i Sali Berishës. Babai i reperit të njohur si Stresi, ose Arkimed Lushaj, Sali Lushaj është fiksuar nga kamerat në mes të turmës së protestuesve para parlamentit.
Sali Lushaj në protestë
Përveç Sali Lushajt, mes të pranishmëve dhe organizatorëve të protestës kanë qenë aty edhe persona të dyshimtë. Ndërkohë edhe në protestat e dhunshme para Bashkisë së Tiranës pak ditë më parë ishin të pranishëm ish-efektivët e Gardës në 21 janar që qëlluan në drejtim të qytetarëve. Të njohur si “Grupi i zjarrit” në 21 janar kur ministër i Brendshëm ishte pikërisht Lulzim Basha që aktualisht drejton PD, ata ishin thirrur për organizimin e protestave.
Protestuesit e Unazës së Re mbështeten në tubimin para parlamentit nga deputetët e Partisë Demokratike. Të pranishëm shihen Ervin Salianji, Luçiano Boçi, Endri Hasa dhe Luan Baçi.
Shoqërohen disa nga protestuesit që goditën me sende të forta policët
Nga tensioni dhe përplasja e banorëve të Unazës së Re me policinë para Kuvendit mbeti i lënduar edhe zv/ drejtori i Policisë së Tiranës, Dhimitraq Ziu, i cili është goditur në fytyrë. Tensioni ka zgjatur për disa minuta, pasi banorët tentuan që të futen në Kuvend.
Zv/ drejtori i Policisë së Tiranës, Dhimitraq Ziu i lënduar në fytyrë nga protesutesit
Është tensionuar protesta e banorëve të Astirit para Parlamentit. Banorët janë përplasur me forcat e rendit dhe kanë tentuar të hyjnë në ambientet e brendshme të Kuvendit.
Komente
Lajme të tjera
-
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23 -
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
Buxheti 2025/ Shehi kërkon rritjen e pensioneve te Ekonomia: Le të rritet borxhi me 0,4%, pse medalje nga FMN do marrim?!
20 Nëntor, 17:27 -
Kuvendi miraton në parim pr/buxhetin e vitit 2025, PS kalon portofolin 8.2 miliardë euro me 75 vota! PD-së i dështon protesta
19 Nëntor, 20:40 -
Kuvendi debat për vrasjen e 14-vjeçarit, Zhupa: Manastirliu të dorëhiqet, ku e çuat 'Paketën e Sigurisë' në shkolla? Balla: Mos bëni politikë, na jepni votat ta miratojmë! PD 1 minutë heshtje pa PS
19 Nëntor, 07:25 -
Vrasja e 14-vjeçarit bëhet ‘mollë sherri’ në Kuvend/ Zhupa: Ministrja e Arsimit të japë dorëheqjen me turp, përgjegjës dhe ai i Brendshëm! Manastirliu: Të mos promovojmë gjuhën e urrejtjes
18 Nëntor, 15:21 -
Edi Rama: 100 - 150 euro bonus për pensionet në fundvit, marrin edhe në pranverë! Qylymat fluturues të Sudes e Rrapushëve tregojnë një tufë përrallash (Fjala e plotë në Parlament)
18 Nëntor, 14:48
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
Buxheti 2025 në Kuvend 12 orë diskutime/ Rama: 100 - 150 euro bonus për pensionistët në fundvit, marrin edhe në pranverë! S'rrisim taksat! PD: Mashtrim, i shërben oligarkëve, sjellin në seancë flamurin serb
18 Nëntor, 07:19 -
Buxheti 2025/ Bardhi: Rama ka para që të paguajë inceneratorët që s’ekzistojnë, por jo për pensione dinjitoze! Në 12 vjet nuk bëri asgjë, më të ulëtat në rajon
17 Nëntor, 15:21 -
Hetimori i Shëndetësisë/ Beqaj reagon nga qelia: Deputetët e PD më tallën dhe fyen për mbi 14 orë, s’mund të lejoj nëpërkëmbjen e dinjitetit! S’kërcënova askënd, nuk më lejuan të dëshmoj
14 Nëntor, 08:00
Me keq me vjen per babain e atij 17 vjecarit sesa per ate 17 vjecarin
PërgjigjuO popull a e kuptoni qe gabimin ne radhe te pare e keni vete,qe u leshuat si cakenj per te ngrene ca tju dali perpara ndryshe nga qytetaret normal,pastaj ata qe ju nxiten dhe ju lejuan te zaptoni e ndertoni,dhe ne fund duke ju kerkuar ketyre maskarenjve qe jane ne pushtet "pronen tuaj" masakroni police e ctju dale perpara.prejini gishtat saliut,bashes e rames se fatosi i preu vete....por jo polices
PërgjigjuBravo shteti per gjakftotsin qe po tregon ne raste te tilla, edhe un ashfu mendoj qe ti fusja nje her ne dor te gjith ata ne demostrat e ti beja qe mos te rrinin ne kemb per ja 6 muj, por nga ana tjeter duhet te respektojm shtetin sa eshte civilizuar. Nje her nje koh policia te fuate plumbin ne mes te sheshit dhe se qethte per njeri. Po qe duhen rraf nje her keq duhen, duke fillu me ato gra qe i ven dor policeve. O njerez te degjeneruar der ne palc a e kuptoni qe jeni ber mish per top nga opozita apo jo? Mir tha njeri nga komentuesit diku qe pse sja legalizoj Lulushja vogel kur ishte ne shtet pronen apo e dinte qe do ju nevojisnin nje dit te till?
Shtet i vdekur, nuk mund te kontrolloje 300 protestues.
Përgjigjudenojini max keta plehra,keta funderrina qe per turpin e tyre kane 28 vjet qe vetem sherrin e vrasje dine,fundin e merituar
PërgjigjuEshte e oapranueshme qe pritesta te shiqerohet me dhune te oaoare nga pritestuesut kunder policise dhe douteri i Fahriut perkrah dhunen . Shteti fuhet te veproj dhe kunder deouteteve dhe zvarre ti coje oara drejtesise . Kur nje ligjvenes nuk resoekton ligjet e shtetut cfar presim nga nje qytetar i thjeshte ? Burg per dhunuesit e policise . Mhaft
PërgjigjuPerse Erion VELIJA OPO Ed Rama nuk del perpara popullit te irituar tja u thote ne sy
PërgjigjuJo vetem qe shtepia do ju prishtet, por do lini leshte neper gjykata tani e s'keni per te ngritur kryet ndonjehere. Flas per ata qe kane 1 shtepi dhe e kane ndertuar me mund e djerse.
PërgjigjuPo proteston Luli me Monen per pushtetin e humbur apo ata qe ngelen pa shtepi? Pse si legalizoi PD ato banesa ne kohen kur ishte ne pushtet??????
PërgjigjuMire ja bejne Rames qe tallet me jeten e policeve dhe vujajtjet e njerezve te thjeshte qe kane 2 jave qe bllokohen ne trafik nga keta zaptues tokash. I ndalon policia dhe i liron prape. Rruga na bllokohet neve, ne terezi e ka qeveria. Kapelet ja hodhen ne toke policeve, tani tu heqin dhe breket. Llumi i PD-se dhe zaptuesit e tokave po sfidojne hapur ligjin dge gjithe njerezit e thjeshte.
PërgjigjuProtestat jane forma demokratike te shprehjes se problemeve , por kur ato krhehen ne dhune kunder organeve te rendit , policia duhet te pergjigjet me dhune . Toleranca e tepruar sjell kaos
PërgjigjuPolicia duhet te veproi me forcen e ligjit ndaj ketyre qe jane mesuar te zaptojne dhe te bejne ligjin, o plera ka ikur koha e Saliut t,ska me rrumpalle.
PërgjigjuSi duket paskan marr mësim nga maqddonët e georgevskit
Përgjigjufutini ne burg keta hajdut, nuk eshte normale qe protestohet per dicka qe e kane vjedhur.Keta duhet te denohen me burg dhe te demshperblejne pronaret REAL te tokes qe kane vjedhur, dhe fitimet qe kane marr nga bizneset e tyre duhet ti kthejne se quhet veprimtari e paligjshme ne toke te vjedhur.
Përgjigju