TIRANË- Banorët e Unazës së Re, bashkë ish-deputetë të opozitës kanë bllokuar mbrëmjen e sotme rrugën në zonën e Astirit. Ata kanë hedhur 4 bomba molotovë duke ndaluar qarkullimin e automjeteve. Ata kanë shpalosur edhe një banderolë  ku shkruhet ‘Mbrojmë familjet tona, ky është genocid’.

Paraditen e sotme ata protestuan para drejtorisë së Policisë pas arrestimit të tre protestuesve, me akuzën e bllokimit të qarkullimit në shenjë proteste kundër zgjerimit të rrugës që prek banesat e tyre.

Ata janë Ilir Katiraj 51 vjeç, Gramoz Shehu 54 vjeç dhe Skënder Doda 56 vjeç, banues në rrugën “Teodor Keko” në zonën e Unazës së Re. Policia deklaroi se tre banorët e Unzës së Re janë arrestuar pas ndryshimeve të Kodit Penal pasi bllokuan rrugën në protestën e organizuar pasditen e djeshme, e cila vijon prej një viti.

Zjarri i krijuar nga hedhja e molotovit nga banorët

VIDEO/ Bllokimi i rrugës dhe zjarri i krijuar nga djegia e molotovit