Barack Obama e Michelle kërcejnë
nën ritmet e ''Thriller'' për Halloween 

Presidenti i Shteteve të Bashkuara të Amerikës, Barack Obama di gjithmonë sesi të fitojë vëmendjen e të gjithë audiencës.

Ai së fundmi, ka kërcyer së bashku me Zonjën e Parë, Michelle Obama, nën ritmin e e këngës ‘’Thriller’’ të Michael Jackson, në Halloween-in e fundit në Shtëpinë e Bardhë.
 
“Djema dukeni të gjithë të frikshëm dhe të mrekullueshëm. Shpresojmë që prindërit së paku sot s’do t’u kushtojnë shumë vëmendje ushqimeve të shëndetshme”, tha Obama gjatë festimeve me fëmijët në Shtëpinë e Bardhë.

Presidenti në ikje, Barack Obama, u shpreh gjithashtu “Jemi përgatitur për kërcim. Nuk e di si do dukemi, por mendoj se duhet ta provojmë gjithsesi”. 

• Share