'Barazimi ishte rezultati i saktë', Osmani pas debutimit te Vllaznia: Këta djem mund të bëjnë më shumë

Trajneri i Vllaznisë, Qatip Osmani foli pas barazimit që të tijtë morën kundër Erzenit 1-1 për javën e 11-të në Superligë. Në debutimin e tij në krye të shkodranëve, Osmani nuk shkoi më shumë se një pikë, duke thënë për mediet se ky rezultat ishte më i drejtë për atë çka prodhuan skuadrat në fushë.

"Sigurisht që të gjithë prisnim të paktën fitoren. Sa i përket lojës, mendoj se shumë hapësira i lejuam kundërshtarit. U munduam në pjesën e dytë që të freskojmë diçka me ndërrimet, por prapë nuk ia dolëm, kështu që ndoshta rezultati është real. Kemi bërë së bashku dy stërvitje dhe ato të lehta, taktiko-teknike, ku informacionet që kisha, jam përqendruar te problemet e të kaluarës së ekipit. Kemi lojtarë cilësorë që janë të dëmtuar, të cilët janë me rëndësi për këtë ekip. Por megjithatë, duhet të përqendrohemi te këta që kemi të gatshëm dhe pse mendoj se këta që luajtën sot mund të bëjnë edhe më mirë. Do të mundohemi në ndeshjet që na kanë mbetur që të përmirësohemi e sigurisht që presim rezultate më të mira", tha Osmani.

Lajmi kryesor:

Renditja/ Partizani s'dorëzohet kurrë, fiton 0-1 në Laç në minutën e 94! Tirana mposht 2-0 Teutën, Vllaznia dhe Erzeni paqe 1-1 (GOLAT)

S.DH/Shqiptarja.com

TAG:
• Erzeni
• Vllaznia
• partizani
• Laçi
• tirana
• Teuta
• superliga