Barça fillon të shkëputet, Real Madrid turpërohet në "Bernabeu"

Barça fillon të shkëputet, Real Madrid turpërohet në

Lionel Messi dhe Luis Suarez, autorët e golave të Barcelonës

Barcelona përfiton nga hapat fals të Atletico dhe Real Madrid dhe fillon të shkëputet në kryesimin e La Ligas. Katalanasit u dhanë një goditje të fortë rivalëve kur fituan 2-1 ndaj Getafes në transfertë dhe janë 5 pikë larg vendit të dytë që mbahet nga Atletico dhe 10 pikë larg Real Madrid.

Golat e fitores për Barcelonën u shënuan që në pjesën e parë nga Leo Messi dhe Luis Suarez. Mata shënoi golin për Getafen që meritonte diçka më shumë.

Real Madrid u turpërua në “Santiago Bernabeu”. Los Blancos u mposhtën 2-0 nga Real Sociedad në një ndeshje që u shoqërua me polemika. William Jose kaloi miqtë në avantazh që në minutën e 3-të kur shndërroi në gol një penallti.

Real Madrid u përpoq të barazonte madje më shumë se një herë i shkoi pranë por nuk arriti dot. Polemika pati për një penallti të mos dhënë ndaj Vinicius ku nuk u përdor as sistemi VAR. Ndërsa në fund Pardo shënoi edhe golin e dytë për Sociedad dhe mbylli llogaritë. Me 10 pikë larg Barcelonës , Real i thotë lamtumirë titullit.

Në “Ramon Sanchez Pizjuan” Sevilla dhe Atletico Madrid barazuan në shifrat 1-1 në ndeshjen e javës së 18-të të La Ligas. Gjithçka ndodhi në pjesën e parë me Ben Yedder që kaloi andaluzianët në avantazh ndërsa për miqtë barazoi francezi Griezmann me një supergol nga goditja e dënimit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Blerina Bala merr drejtimin e Bashkisë së Himarës! Bashkëshorti këshilltar ‘bojkoton’ votimin! Votat që opozita bashkoi me PS

Blerina Bala merr drejtimin e Bashkisë së Himarës! Bashkëshorti këshilltar ‘bojkoton’ votimin! Votat që opozita bashkoi me PS