POP 5

Lajmet më të lexuara të 5 minutave të fundit

Sport

Barcelona nis mbrojtjen e titullit, në Angli derbi Chelsea-Arsenal

Kampionati spanjoll ka çelur siparin mbrëmë, por sot zbret në fushë Barcelona, që do ta nisë mbrojtjen e titullit kampion në shtëpi ndaj Alavesh. Lionel Messi është bërë futbollisti me më shumë trofe në historinë e Barcelonës,
Barcelona nis mbrojtjen e titullit, në Angli derbi Chelsea-Arsenal

Lojtari i Barcelonës, Lionel Messi

Ka startuar edhe kampionati spanjoll, ku ditën e parë zbritën në fushë katër skuadra, Girona-Valladolid përfundoi pa gola, ndërsa Levante e Armando Sadikut fitoi 3-0 në transfertë me Betis Sevilla. Sot në fushë zbret Barcelona, që do të fillojë mbrojtjen e titullit kundër Deportivo Alaves në “Camp Nou”, në orën 22:15. Pasi fitoi La Ligan dhe Kupën e Mbretit në edicionin e kaluar, Barça mbetet sërish pretendente, sidomos pas largimit të Cristiano Ronaldo nga Real Madridi. Barcelona vetëm pak ditë më parë fitoi edhe Superkupën e Spanjës, duke mundur Sevillan 2-1.

Messi është bërë futbollisti me më shumë trofe nga radhët e Barcelonës dhe sonte pritet të jetë në fushë nga minuta e parë, madje si kapiten, pas largimit të Iniestës në Japoni. Alaves i ka humbur katër përballjet e fundit me Barcelonën, që nuk ka humbur asnjë ndeshje në shtëpi gjatë gjithë sezonit të kaluar, duke fituar 16 dhe barazuar 3 prej tyre, me një mesatare 3.3 gola për ndeshje. Dita e sotme në Premier League sjell derbin londinez mes Chelsea dhe Arsenal. Blutë e Londrës, nën drejtimin e trajnerit italian Sarri, e nisën shumë mirë sezonin e ri në Premier League, duke fituar 3-0 në fushën e Huddersfield.

E kundërta për Arsenalin, që humbi 0-2 në shtëpi me kampionët e Manchester City. Një start me humbje për trajnerin e ri Unai Emery, që sot kërkon të paktën të mos dalë i humbur nga “Stamford Bridge”. Në sezonin e kaluar Arsenal mori vetëm 10 pikë në 10 ndeshje kundër pesë vendeve të para të klasifikimit, me vetëm një fitore. Ndërsa Chelsea ka fituar pesë nga gjashtë ndeshjet e fundit në shtëpi kundër Arsenalit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53