POP 5

Lajmet më të lexuara të 5 minutave të fundit

Sport

Barcelona nuk ndalet, me Betis fitorja e 6 radhazi! Lazio dhe Chelsea nuk falin (VIDEO-Golat)

Barcelona nuk e ka ndërprerë ecurinë radhazi të fitoreve në La Liga as këtë javë pasi ka mposhtur 2-3 Betisin. Ndërkohë në Seria A Lazio ka fituar me rezultatin 1-0 kundër Kaljarit.

Pas një starti të dobët të kampionatit Barcelona nuk e ka ndërmend të ndalë më hapin. Për llogari të javës së 21 katalanasit kanë mposhtur 2-3 Betis, duke marrë fitoren e 6 radhazi, që i mban aktualisht në vendin e dytë në La Liga.

Në Villamarin të parët që kaluan në avantazh ishin vendasit me Inglesias, ndërsa baraspeshën e riktheu Messi, që hyri në fushë si zëvendësues. Më tej një autogol i Ruiz i dha epërsinë e përkohëshme të besuarve të Kuman, që u barazuan 2-2 në minutën e 75. Gjithsesi talenti Trincao shënoi një supergol pak para përfundimit të ndeshjes për të marrë 3 pikët në këtë transfertë të vështirë.

Ndërkohë në Seria A Lazio-s i ka mjaftuar një gol i Ciro Immobile-s për të vijuar ecurinë e rezultateve pozitive. Bomberi italian realizoi në minutën e 61 për të mbajtur skuadrën në garë për një vend në Champions League.

Sakaq në Premier League Chelsea i Thomas Tuchel ka mposhtur 1-2 Shefiled United, duke marrë fitoren e tretë radhazi. Londinezët zhbllokuan me Mount, ndërsa një autogol i Rudiger barazoi përkohësisht rezultatin. Nuk kaloi shumë dhe Jorginho realizoi golin tre pikësh me penallti.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

26 Prill, 22:49