POP 5

Lajmet më të lexuara të 5 minutave të fundit

Sport

Barcelona në çerekfinalet e Kupës por rrezikon skualifikimin

Nuk ka surpriza në Kupën e Mbretit. Barcelona kalon në çerekfinale duke përmbysur humbjen e pësuar në ndeshjen e parë ndaj Levantes. Mbrëmë katalanasit fituan 3-0 por mund të skualifikohen nga Kupa pasi kanë aktivizuar një lojtar të pezulluar me kartona. Vendimi merret sot.

Barcelona në çerekfinalet e Kupës por rrezikon skualifikimin

Messi shënon golin e tretë

Ousmane Dembele udhëheq Barcelonën drejt çerekfinaleve të Kupës së Mbretit. Katalanasit përmbysin humbjen 2-1 të pësuar një javë më parë ndaj Levantes me një fitore 3-0 në “ Camp Nou” dhe janë mes 8 më të mirave të Kupës së Mbretit.

Francezi Dembele brenda një minuti shënon dy herë dhe largon fantazmat e një eliminimi të mundshëm. Dembele tund rrjetën në minutat 30 dhe 31. Në fraksionin e dytë shënon edhe kapiteni Leo Messi dhe mbyll llogaritë Barcelona 3 e Levante 0. Nëse në fushë çdo gjë u rregullua në zyra katalanasit nuk kanë bërë një punë të mirë pasi mund të skualifikohen.

Kjo për shkakun se në ndeshjen e parë kanë aktivizuar lojtarin Chumi i pezulluar për shkak kartonash. Vendimi do të merret sot.

Në çerekfinalet e Kupës së Mbretit kanë kaluar edhe Espanyol që mbrëmë mposhti Villareal 3-1 dhe Real Betis që barazoi 2-2 në transfertë ndaj Real Sociedad. Barcelona, Espanyol dhe Real Betis i bashkohen ekipeve të tjera të kualifikuara në çerekfinale Real Madrid, Sevilla, Valencia, Girona dhe Getafe.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

Akuzohen për abuzim me fondet e shërbimit, pezullohen 25 policë të Korçës dhe të drejtorisë së Kufirit e Migracionit

Akuzohen për abuzim me fondet e shërbimit, pezullohen 25 policë të Korçës dhe të drejtorisë së Kufirit e Migracionit

3 Korrik, 15:23 nga Armand Braho