POP 5

Lajmet më të lexuara të 5 minutave të fundit

Sport

Barcelona shkatërron Realin e Madridit, shkëlqen Suarez me “triplet”

Reali i Madridit ka kapitulluar pa kushte në “El Clasicon” e zhvilluar në “Camp Nou”. Barcelona ka fituar me shifrat 5-1 duke e çuar në 7 diferencën e pikëve mes dy skuadrave në kampionat. Në këtë sfidë shkëlqeu Suarez që realizoi ‘tripletë’.

Barcelona shkatërron Realin e Madridit, shkëlqen Suarez me “triplet”

Ekipi i Barcelonës

Barcelona ka poshtëruar Real Madridin në “El Clasico” pasi ka fituar me rezultatin e thellë 5-1. Një sfidë e dominuar totalisht nga katalanasit, të cilët treguan dhëmbët që në minutën e 11-t, me Coutinho-n që zhbllokoi shifrat pas një inkursioni të Xhordi Albës. Festojnë tifozët, por edhe Messi që gjendet në tribunë. As argjentinasi, por edhe as Ronaldo nuk gjenden në fushë për herë të parë pas 9 vitesh. 

Përpiqet Real, por Barcelona gjen golin e dytë. Është Suarez ai që dyfishon shifrat në minutën e 30-t pas një penalltia të ekzekutuar saktë që fitua me “VAR”.  Kaq në pjesën e parë, ndërsa me fillimin e pjesës së dytë është Marcelo ai që shkurton shifrat dhe kthen Realin e Madridit në lojë. “Galaktikët” hidhen në sulm për barazimin, por në momentin më të mirë, Suarez shënon golin e tretë për Barcelonën. “El Pistolero” mposht me kokë Kortuan pas një krosi të Sergio Robertos.

Ky episod kthen qetësinë te katalanasit, të cilët në minutën e 83-t me uruguianin Suarez sërish do të realizonin golin e katërt. Kur të gjithë prisnin që ky të ishte rezultati përfundimtar, Vidal pak para fundit të lojës vulosi kapitullimin e “galaktikëve” në “Camp Nou”. Një fitore që e çon në 7 diferencën e pikëve mes Barcelonës kryesuese dhe Realit të Madridit në “La Liga”. Pas 10 javësh kampionat, skuadra e Lopetegit që rrezikon shkarkimin, renditet e 9-a me 17-t pikë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tentoi të vriste 47 vjeçarin në Fier, arrestohet pas 3 vitesh

Tentoi të vriste 47 vjeçarin në Fier, arrestohet pas 3 vitesh

24 Nëntor, 10:39