POP 5

Lajmet më të lexuara të 5 minutave të fundit

Politikë

Bardhi dhe Berisha takojnë të ndarë përfaqësuesit e Këshillit të Europës! Kreu i Rithemelimit u 'kërkon ndihmë për drejtësinë'

Sali Berisha dhe Gazment Bardhi kanë takuar në dy takime të ndara bashkëraporterët e Këshillit të Europës për Shqipërinë

Bardhi dhe Berisha takojnë të ndarë përfaqësuesit e Këshillit të Europës! Kreu i Rithemelimit u 'kërkon ndihmë për drejtësinë'

Sali Berisha në takim me raporterët e Këshillit të Europës, Jonida Tabaku dhe Gazmend Bardhi

Deputeti i Partisë Demokratike Gazment Bardhi dhe Kryetarja e Komisionit të Integrimit Jorida Tabaku u takuan sot me bashkëraporterët e Këshillit të Europës për Shqipërinë. Në mesazhin e shpërndarë për media mbi takimin, Bardhi thekson se ka ndarë shqetësimin për nevojën e forcimit të luftës kundër korrupsionit, përmbylljen e Reformës Zgjedhore me qëllim garantimin e zgjedhjeve të lira e të ndershme.

"Mirëpritëm sot raporterët për Shqipërinë në Këshillin e Europës, z. Asim Mollazada dhe z. Jonut Stroe me të cilët ndave shqetësimin mbi nevojën e forcimit të luftës kundër korrupsionit, përmbylljen e Reformës Zgjedhore me qëllim garantimin e zgjedhjeve të lira e të ndershme, si dhe forcimin e mekanizmave parlamentar për llogaridhënien nga Qeveria. I falenderuam për qëndrimin e tyre në raportin pararendës ku theksohej se të gjitha demokracitë kanë nevojë për një opozitë që funksionon mirë dhe që siguron sistemin e duhur të kontrolleve dhe balancave të pushtetit. Në përgjigje të thirrjes së tyrë në raportin e Tetorit 2022 që Partia Demokratike të kapërcejë mosmarrëveshjet e brendshme dhe të luajë rolin e saj të rëndësishëm në qeverisjen e vendit, ku të përfshihen të gjitha palët, i informova për përpjekjet për të bërë opozitën funksionale në Parlament dhe për të kapërcyer konfliktin e brendshëm partiak, përmes ndërtimit të një axhende të përbashkët opozitare", ka thënë Bardhi.

Në një takim më vete, edhe kreu i Rithemelimit Sali Berisha ka pritur delegacionin e raporterëve të Asamblesë Parlamentare të Këshillit të Europës të përbërë nga Asim Mollazada, Jonut Stroe, Bas Klein dhe Giulia Re, shefe e zyrës së KiE në Shqipëri.

Sipas njoftimit për shtyp të Rithemelimit, Berisha "kërkoi ndihmën e KiE edhe te sistemi i drejtësisë, i cili sipas tij është i paralizuar".

“Ata që e ngritën këtë sistem nuk ndërhyjnë dot më për ta riparuar sepse janë ‘aksionerë në dështim’”, theksoi Berisha.
Kryetari demokrat i kërkoi dërgatës së KiE që të ndërmjetësojnë për një ndërhyrje të Komisionit të Venecias për një rishikim të reformës së drejtësi në Shqipëri. “Kjo reformë ka qenë politikisht e motivuar”, shtoi ai.

Një takim me raporterët e Këshillit të Europës të cilët ndodhën më Tiranë ka zhvulluar edhe kryetari i PD-së Lulzim Basha.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Linda: 26/09/2023 20:40

    Filluan ti heqin maskat Bardhi me Tabakun po dalin neper ekrane mbas humbjes ne Kukes.Nuk lan gure pa levizur e maskarallek pa bere per te bere lemsh partin demokratike,turpin e ketyre te dyve qe luanin ne prapaskene dhe vazhdojn te luajn me kriminel Berishen do ti denoj historia!Jane qe te dy tradhetare te pa bese jane e keqja e Shqiperis!

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51