Bardhi ironizon rregulloren e re: PS ta bënte përjashtimin 4 vite dhe të shpallte diktaturën

 

Deputeti demokrat Gazment Bardhi ka ironizuar rregulloren e re të Kuvendit të miratuar vetëm me votat e mazhorancës, sipas së cilës deputetët që krijojnë kaos rrezikojnë të përjashtohen me 2 muaj. Bardhi ironizoi duke thënë se nuk e kupton përse PS nuk e bëri përjashtimin 4 vite dhe të shpallte diktaturën

Ndërkohë, ai theksoi se do ta vijojnë aksionin parlamentar.

“Do ta vijojëm aksionin. S’ka forca sigurie apo akte të njëanshme që pengojnë opozitën të kërkojë respektimin e të drejtave të veta kushtetuese. Mund ta kishin bërë dhe 4 vjet, derisa të mbaronte kjo legjislaturë mos të na lejonin, se kuptoj arsyen pse e kanë bërë 60 ditë. E kishin bërë 4 vjet dhe kishin rënë rehat dhe të kishin shpall zyrtarisht diktaturën në vend. Do vazhdojmë të ushtrojmë misionin tonë dhe mandatin tonë. Me regjimin përplasesh se nuk do përqafohesh. Një njeri që qëndron në pushte me paratë e korrupsionit, e vetmja rrugë është përballja. Sa herë që mazhoranca përshkallëzon veprime ndaj opozitës është detyra jonë të përshkallëzojmë veprimet e tona.

Lajmi kryesor:

PS miraton mes tymueseve rregulloren që përjashton 2 muaj deputetët e kaosit! Bardhi: E çojmë në Kushtetuese! Rithemelimi përplaset me Gardën

SI.E./KT/Shqiptarja.com

TAG:
• Rithemelimi kaos ne kuvend
• Kuvendi i Shqiperise
• marreveshje me italine per emigrantet
• flamur noka