Në komisionin e Ligjeve po diskutohet akti normativ për ndryshimet në buxhetin e vitit 2024. I pranishëm edhe ministri i Financave Petrit Malaj.
Kreu i grupit parlamentar në PD, Gazment Bardhi pyeti ministrin se pse janë shtuar 260 milionë euro për tre projekte, ndërsa theksoi se ministria e Financave ka firmosur kërkesat e Ballukut më një të rënë të lapsit.
Bardhi pyet për kostot e rrugëve: Rreth 4 muajsh pasi ishin miratuar vlerat e projekteve ju keni pranuar dyfishuar vlerat e tyre. Pa bërë studim të ri fizibiliteti, pasi vlera e projekteve ishte parashikuar. Zgjerimi i autostradës Tiranë-Durrës ishte planifikuar me vlerë 205 mln euro dhe ju e çuat në 298.8 milionë euro. Një tjetër projekt rruga e re Tiranë-Ndroq-Plepa, nga 39.8 milionë euro që ishte e çuat në 87 milionë euro. Apo rasti baypass të Elbasanit nga 120 mln euro e çuat në 240 mln euro. Më kujtohet historia e tunelit të llogaras ku ishte 140 mln euro vlera, e anuluat dhe e rritët me 50 milionë euro ndërsa projekti u bë po për të njëjtën vlerë. Çfarë ju nxiti ju pa u ulur akoma në karrigen e ministrit, të rishikonit vlerat e projekteve.
![](https://shqiptarja.com/template/img/NO_ALFA_Kuadrate shqiptarja.png)
Petrit Malaj: Vlerat që ishin aty ishin të 2010 dhe kishin nevojë të reflektonin vlerat e ndërtimit e kostot e kursit të këmbimit. Ishte e nevojshme të rishikoheshin këto vlera. Rritja e vlerave specifike për rrugët ka ardhur nga Ministria e Infrastrukturës, janë analizuar kostot janë pranuar dhe miratuar.
Bardhi: Po këto vlera ishin caktuar 5 muaj më parë. Këtu bëhet fjalë për të njëjtën zonjë (Balluku), tunelin e Llogarasë e çoi nga 140 mln euro e çoi në 190 mln euro me një të rënë të lapsit, dhe u ndërtua nga e njëjta kompani që kishte propozuar 140 mln euro dhe buxheti humbi 50 mln euro. Dhe unë po ballafaqoj analizat e 5-muajve më parë, nëse është bërë gabim të dalë ministrja e ta sqarojë se janë dyfishuar vlerat. nuk jam dakord me ca thotë ministri. Që thotë se më erdhi një kërkesë nga Belinda Balluku dhe unë e firmosa.
Lajmi në përditësim...
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
VJEDHJE. DHE VETEM VJEDHJE TEK RRUGET...
Përgjigju