Negociatat drejt fundit, Mediu pas takimit me Bashën: Programi i PD duhet të përfshijë idetë e partive të tjera! Kontribut dhe në zona ku s’pretendojmë kandidatë

Kreu i PR Fatmir Mediu ka folur pas takimit me kreun e PD Lulzim Basha. Ai është shprehur optimist pas këtij takimi por nuk ka bërë të qartë zonat në të cilat do të kandidojnë republikanët.

Ai ka thënë se programi elektoral i PD i plotë por duhet të merren parasysh dhe propozimet e partive të tjera.

“Ka një analizë të thjeshtë se sa mandate i  takojnë pd dhe pr. Ajo që dua të them pavarësisht se kush  është emri i personit Pr do jetë kontributore për të marrë vota në kukës dhe dibër dhe në zona të tjera që skemi pretendime për kandidatë.

Programi i Pd është i plotë dhe meqë flasim për bashkëpunim politk ky program duhet të përfshijë dhe idetë e partive të tjera. Secila parti ka specifika. Vlerësoj faktin se figura nga të përndjekurit politik kandidojnë. E rëndësishme është dhe një reformë rregullatore ekonomike. E rëndësishme është njëlloj zgjimi i qytetarëve shqiptarë. Janë të rëndësishme votat e PR dhe të aleatëve.

Ne mund të bëjmë të mundur të fillojmë të hapim negociatat sa më shpejtë, siç e tha dhe Basha në Koroaci dhe Slloveni”, tha ai.

TIRANË- Data 6 mars është edhe afati i fundit kur partitë politike duhet të dorëzojnë listën e kandidatëve për deputetë, por përpara këtij afati, më 24 shkurt, opozita e bashkuar duhet të 'kristalizojë' vendimin për koalicionin dhe të paraqesë në KQZ listën me emrat e partive që do të përbëjnë koalicionin opozitar. 

Për këtë arsye, kryedemokrati Lulzim Basha ka intesifikuar takmet me 2 aleatët e tij të cilët nuk ka arritur një marrëveshje, Shpëtim Idrizin dhe Fatmir Mediun.

Në parim, palët kanë një dakordësi për të shkuar me një listë të përbashkët, por ende nuk kanë dakordësuar se sa përfaqësues të partive të vogla do futen në listat e PD, në cilat qarqe dhe në cilën renditje të listës. Report Tv mëson se kreu i PDIU-së, Shpëtim Idrizi ka zhvilluar mesditën e sotme një takim me Bashën. Takimi është zhvilluar në selinë blu, teksa Idrizi i ka paraqitur listën e emrave të personave që do ta përfaqësojnë forcën e tij politike më 25 prill.

Më pas, gjatë pasdites pritet që të shkojë në seli edhe kreu i PR-së, Fatmir Mediu, i cili ka qenë më "i vështiri" për t'u bindur nga Basha për mënyrën se si do dalin në 25 prill. Kjo sepse, Mediu këmbëngul që Basha duhet të respektojë peshën elektorale të PR-së në zgjedhjet e kaluara, e nuk kërkon vetëm një mandat.

Ende pa një vendim zyrtar, se në cilin qark do të garojë, është edhe kreu i PBDNJ, Vangjel Dule, i cli po ashtu si aleatët e tjerë do të futet në listat e PD. Ai pretendon Vlorës ose Korçën.

Nga ana tjetër Basha i ka mbyllur marrëveshjet me disa nga aleatët e tjerë duke u premtuar vende të sigurta në lista, Agron Dukës në Durrës, Nard Ndokës në Shkodër dhe Dashamir Shehit dhe Shpëtim Idrizit në Tiranë.