Meta: Nuk i prisja akuzat e Bashës, ka qenë me muaj të tërë te shtëpia ime! Përgjohem nga shërbimet sekrete, të brendshme dhe të huaja! Berishën e kam mbështetur pasi u shpall non grata

Presidenti Ilir Meta, në një intervistë për mediat këtë mbrëmje, i është përgjigjur edhe njëherë akuzave të kryedemokratit Lulzim Basha se kreu i shtetit është pjesë e ‘Trekëndëshit të Bermundës’ së bashku me Ramën dhe Berishën. Presidenti tha nuk i priste akuzat e Bashës, ndërsa shtoi se ky i fundit me muaj të tërë e vizitonte shtëpinë e Presidentit së bashku me familjen, ndërsa ish-kryeministri Berisha, vetëm një herë.

Sa i përket mbështetjes së përfolur ndaj Berishës, ai tha se ka dhënë mesazhe solidariteti pasi ai u shpall non grata nga SHBA. Ndërsa një deklaratë e fortë ishte kur kreu i shtetit tha se shërbimet sekrete, të brendshme dhe të huaja i përgjojnë telefonin, duke iu referuar një rasti që lidhet me zgjedhjet e 30 qershorit në vendin tonë.

Presidenti ka theksuar se gjatë një udhëtimi me avion i kishte telefonuar Gramoz Ruçit, për anulimin e zgjedhjeve, ndërsa ka shtuar se Ruçit i komunikoi vetëm gjërat bazike, pasi sipas tij telefoni i presidentit përgjohej.

"Berisha vetëm një herë ka qenë në shtëpinë time. Basha, nëse do t'i numëroja ditët ka qenë me muaj të tërë, me familjen, me vajzat, më shume se kushdo politikan tjetër në shtëpinë time. Kur dëgjova para pak kohësh për herë të parë z.Basha mendova mos e kishte me deputetin socialist të Vlores, Ilir Metaj. Unë nuk kam patur dhe nuk kam asnjë hall, ndaj nëse ngelem në doren e z.Basha për të zgjidhur hall, askënd mos e zëntë halli në këtë botë. Për zgjedhjet vendore, Basha më është lutur! "Aman të lutem më shpëto!". "Aman të lutem të shtyhen zgjedhjet!". Më erdhi shumë keq për gjendjen ku ndodhej. Erdhi në Gjermani, ku unë ndodhesha për vizitë zyrtare, sepse gjermanët e thirren dhe i tërhoqen veshin: "Nuk duam asnjë shashkë!", "Nuk duam më dhunë në mitingje!". Pse? Sepse gjermanet kishin vullnetin të na ndihmonin për hapjen e negociatave me BE. Unë nuk kam asnjë hall dhe nëse unë ngelem në dorën e zotit Basha për të më zgjidhur ndonjë hall, apo të ndonjë tjetri, halli kurrë mos pastë mëshirë dhe keqardhje për Ilir Metën. Por dikush tjetër është në hall, zgjedh bojkotin, shfajësimin dhe ka zgjedhur gjithmonë të shpallë humbjen fitore", tha Meta. 

Kreu i shtetit nuk la pa përmendur edhe djegien e mandateve nga opozita, vendim të cilin e quajti të çmendur dhe anti-shqiptar, ndërsa për vendimin e Gjykatës Kushtetuese e cila la në fuqi zgjedhjet vendore të 30 qershorit 2019, tha se ka edhe Gjykata Europiane, duke paralajmëruar kështu se do e dërgojë çështjen më tej.

"Është vendimi më idiot, më i çmendur, më antikushtetues dhe më antishqiptar. Meta deklaroi se ai ka qenë kundër djegies së mandateve, ndërsa shtoi se Basha dëgjoi dy diplomatë të cilët e bindën për aktin e paimagjinueshëm."-tha kreu i shtetit. Për zgjedhjet vendore kam aktualisht vetëm një qendrim zyrtar, raportin e OSBE/ODIHR. Vendimin e Gjykatës Kushtetuese të zbardhur unë nuk e kam dhe nuk e ka askush. Kur të dale vendimi atëherë unë do shpreh qendrimin tim. Por mund t’ju them që mbi Gjykatën Kushtetuese ka Gjykata të tjera europiane.”-tha Meta.

Meta theksoi se nuk do të pranojë kurrë një mandat të dytë si President, nga Rama apo Basha. Kreu i shtetit tha se ka bërë gjithçka ka mundur për vendin në këtë situatë. Më tej ai shtoi se do të rikthehet aktiv në politikë pas përfundimit të mandatit të Presidentit.

“Unë jam lider vetë, që dua nga të gjithë politikanët t'i kthejmë sovranitetin vendit. Më 25 korrik 2022 rikthehem aktiv në politikë sepse nuk kam rrugë tjetër. Këtë e diktoi 25 prilli.”-tha Meta.

Rendit zhvillimet sipas orarit:

Të Fundit Të Parat

TAG:
• Berisha
• Basha
• gjykata kushtetuese
• Ilir Meta
• 30 qershori 2019
• perplasja berisha basha