POP 5

Lajmet më të lexuara të 5 minutave të fundit

Opinion

Basha nuk i duhet më Ramës

Basha nuk do i duhet më Ramës kur të vijë shtatori. Për qeverisje jo e jo. Për bashkëpunim për çështjet e rajonit këtë nuk e dimë. Le të themi mbase. Më së shumti Basha si duhet për mënyrën e çartallosur si doli pas përfundimit të kuvendit të PD. E për më tepër me Berishën në kurriz, ndërsa duket sikur ndajnë së bashku peshën e rëndë të 'non grata'.

Basha nuk i duhet më Ramës

Kreu i PD-së, Lulzim Basha

Basha nuk do i duhet më Ramës kur të vijë shtatori. Për qeverisje jo e jo. Për bashkëpunim për çështjet e rajonit këtë nuk e dimë. Le të themi mbase. Më së shumti Basha si duhet për mënyrën e çartallosur si doli pas përfundimit të kuvendit të PD. E për më tepër me Berishën në kurriz, ndërsa duket sikur ndajnë së bashku peshën e rëndë të 'non grata'. Ka rreth dy muaj që është bërë një ofertë nga kreu i maxhorancës. Ofertë madje pa kushtëzim dhe pa kufij të cilat mund ti vendoste vetë Basha si mënyrë që opozita të niste një epokë të re të bashkëpunimit në të mirë të vendit.

Ajo çfarë u duk si provokim gjatë fushatës elektorale, mori tone më serioze nga Rama, ndërsa oferta u bë e ripërsëritur, dhe ku madje iu hoq edhe tavani se deri ku mund të shtrihej. U fol se mund të shkohej edhe drejt një koalicioni të madh me një qeveri të përbashkët midis dy partive kryesore, e kundërshtare të përhershme. Kushtet duket se kanë ndryshuar.

Rama nuk është dëgjuar më të lusë Bashën për bashkëpunim. Në ajër madje ka një mospërfillje të dukshme të zhvillimeve që ndodhin në kampin e PD, që nga hallet e Bashës në garën për kryetar, Kuvendin ku eleminoi kritikët dhe deri nga deklaratat e stërlodhura të Bashës se “PD fitoi në zgjedhje, por PS i vodhi rezultatin”. Maxhorancës duket se nuk i intereson më dhe madje nuk pse të ndërhyjë kur PD ka hyrë në rrugën e vetshkatërrimit.

Për çfarë i duhet më Basha? Thjesht për faktin se ka arritur të ruajë vendin e kryetarit ndërsa PD shkon drejt rrudhjes? Me një parti që duket që se po fillon procesin e thërrmimit, të humbjes së besimit të mëtejshëm tek anëtarësia dhe në elektorat, vetë pesha specifike e kreut të PD do bjerë në pikiatë gjatë këtij mandati. Ndryshe do të ishte në PD do të arrinte të gjente forcë të riformatohej si forcë modern politike. Ndryshe do të ish që Basha apo gjithkush tjetër që mund të drejtojë PD të ngrihej në rangun e një lideri që njeh dhe mban përgjegjësi dhe jo në postmbajtësin e poltronit të kryetarit. Të mos arrish të mbash përgjegjësi por të shkarkosh fajin te të tjerët, të mos jesh i sinqertë e i hapur së pari me familjen tënde politike, e kujt mund ti shërbejë një bashkëpunim me Bashën? Për më tepër, me bablokun ndër krahë vështirë të mendohet se do ti afrohet kush.

Maxhoranca jo e jo, pasi nuk i ka bërë ofertë bashkëpunimi për kukull matryoshka ku pasi hap Lulin, brenda të del Berisha. Por as ndërkombëtarët, që duket se pas shtatorit ku PD do të ulet në parlament duke mbajtur në gji ish-kryetarin, duket se 'non grata' nuk do të quajë vetëm Berishën, por dhe partinë kryetar i së cilës quhet Basha. E kujt i hyn më në punë me këto halle që ka?

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça