POP 5

Lajmet më të lexuara të 5 minutave të fundit

Politikë

Basha premton se nuk do të ndjekë shembullin e Ramës: S'do të financojmë PPP korruptive

Kryetari i Partisë Demokratike Lulzim Basha ka vijuar turin e takimeve me përfaqësues të biznesit në vend. Së fundi është ndalur në plazhin e Shëngjinit. Ai i ka premtuar operatorëve turistikë se nuk do të ndjekë shembullin e qeverisë që i jep kontrata korrupsive koncesioanrëve sipas tij, por do ti fokusojë paratë e taksapaguesëve shqiptarë tek ata që kanë nevojë.

SHËNGJIN- Pamja e Shëngjinit është e bukur për syrin e kryedemokratit po jo ajo e ekonomisë.

"Shikoni se çfarë pamje e mrekullueshme shoqëron sot që në mëngjes. E kam fjalën për natyrën, sepse pamja ekonomike siç e shikoni është, me fjalët e operatorëve që kam takuar deri tani, blozë", tha Basha.  

As 10% e dhomave të hoteleve nuk janë të zëna sipas kryetarit të Partisë Demokratike dhe shumica dërrmuese e hoteleve dhe restoranteve po punojnë me 30 apo maksimumi 40% të kapacitetit.

"Kjo do të thotë 60-70% e punonjësve që, në kohë normale do të ishin duke punuar, duke marrë të ardhura të domosdoshme për familjet e tyre, sot janë pa punë", shtoi Basha.  

Në videon e publikuar nga Partia Demokratike kreu demokrat sjell shqetësimet e operatorëve turistikë.

"Taksat duhet t’i paguajmë deri në fund të qershorit, fundi qershorit I bie nesër. Ne, ato pagesa, është një çikë e zorshme që t’i shlyejmë, ndoshta mund ta shohë njeri që punojmë ditë të shtunë.  Po janë dhe rrogat e punëtorëve, janë drita, ujë, janë shumë gjëra të tjera dhe është e pamjaftueshme me atë punë që bëjmë. Për të paguar gjithë këto, kërkojmë vetëm shtyrje, shtyrje, shtyrje që të na lehtësojnë të paktën. Dhe strukturat tatimore të mos na shqetësojnë, se ne jemi në pikë të hallit, çfarë të  themi", tregojnë operatorët turistik.

Operatori turistik vuri në dukje edhe mungesën e ndihmës nga qeveria për lehtësimin e kredimarrjes në sektorin e turizmit. Sa për parashikimet për muajin korrik, sytë i kanë drejtuar nga qielli.

"Pasiguri totale është. Nuk parashikojmë dot asnjë lloj gjëje. Ne ecim, Zoti na ndihmoftë, si të themi", tregon një tjetër.

Partia Demokratike premton se kur të vijnë në pushtet nuk do të financojnë kontrata korruptive koncensionare por do të mbështesin me fonde ata që kanë nevojë më shumë se kurrë.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dr.Cohen's gost: 30/06/2020 00:14

    Lul-Sorrosi i Hollandes,mbaj Maske"..,trego Shembullin Personal,kjo eshte Pergjegjsi nr.1,lere Show-n

    Përgjigju
  • pali: 29/06/2020 17:20

    IK MOR BASHA NGA SHENGJINI,,IK MOR SHPELLAR DIBRE SE NUK E DI TI SE C'FARE DO TE THOTE TURIZEM,,,IK MOR TOKE E XANUN,,,JU E SHKATARRUAT SHENGJININ,,,DURRESIN,,GOLEMIN,,,MOR TE SH...SHA TURINJTE....

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46